Bu ölkədə mədən çökdü - Ölənlər var

Nigeriyanın şimalındakı Zamfara ştatında yerləşən mədəndə torpaq sürüşməsi nəticəsində azı 18 nəfər həyatını itirib, bir neçə nəfər isə itkin düşüb.

“Qafqazinfo”nun xarici KİV-ə istinadən xəbərinə görə, hadisə cümə axşamı Maro bölgəsinin Kaduri kəndi yaxınlığında güclü yağışlardan sonra nəhəng qayanın mədən üzərinə aşması nəticəsində baş verib.

Xilasetmə işlərinə qatılan mədənçilərdən biri — Sani Lavali bildirib ki, indiyədək 18 nəfərin meyiti çıxarılıb, 5 nəfər isə müxtəlif dərəcəli xəsarətlər alıb.

Onun sözlərinə görə, hələ də 12 fəhlə mədəndə qalıb və onların taleyi məlum deyil. Axtarış-xilasetmə əməliyyatı davam edir.