“Ad günümü təntənəli də qeyd edəcəm” - 70 yaşlı sənətkar

Bu gün Xalq artisti Afaq Bəşirqızının doğum günüdür.

“Qafqazinfo” 70 yaşını qeyd edən Xalq artisti ilə əlaqə saxlayıb.

A.Bəşirqızı saytımıza açıqlamasında doğum gününü ailə üzvləri ilə birlikdə qeyd etdiyini deyib: 

“Hələ ki, öz ailəmləyəm. Allaq qoysa, təntənəli də olacaq. Doğum günümə öz töhfələrim olmalıdır”. 

Xalq artisti Prezident İlham Əliyev tərəfindən “Şərəf” ordeni ilə təltif edilməsinə çox sevindiyini bildirib:

“Çox sevinirəm. Bu sənətkar üçün çox böyük bir töhfədir. Sənətkarın ən böyük hədiyyəsi tamaşaçıların alqışları, onların sevgisi və gül-çiçəkləridir. Bu, Prezident tərəfindən bir daha qeyd olunanda, qiymətləndiriləndə o sənətkar xoşbəxt olur və mən xoşbəxtəm. Bütün sənətkarlara bu xoş günü arzulayıram. Biz məsuliyyət hiss etməliyik. Çünki hər bir dövləti onun mədəniyyətinə görə tanıyırlar. Buna görə də bütün incəsənət xadimləri bu məsuliyyəti hiss etməlidir. İncəsənət şəxsi ambisiya üçün deyil, xalq, dövlət üçündür”. 

Lamiyə Məmmədova