Vaşinqtonun strateji gedişi: ABŞ Ukraynaya əlavə silahlar göndərir

ABŞ Müdafiə Nazirliyi (Pentaqon) administrasiyanın Ukraynaya əlavə müdafiə xarakterli silahlar göndərmək planlarını təsdiqləyib.

Oxu.Az-ın TASS-a istinadla verdiyi xəbərə görə, bu barədə Pentaqonun ictimaiyyətlə əlaqələr üzrə katibinin köməkçisi Şon Parnell bildirib.

"ABŞ Prezidenti Donald Trampın göstərişi ilə Müdafiə Nazirliyi ukraynalılara müdafiə olunmaq imkanı vermək məqsədilə əlavə silahlar göndərir. Biz eyni zamanda dayanıqlı sülhə nail olmaq və qırğınları dayandırmaq üçün çalışırıq", - deyə o bəyan edib.

Parnell əlavə edib ki, Pentaqon qlobal hərbi tədarük zəncirini təhlil etməklə bağlı əvvəlki planlarına sadiq qalır.

Qeyd edək ki, bundan əvvəl ABŞ Prezidenti Donald Tramp Ukraynaya bir qədər də silah göndəriləcəyini açıqlamışdı.