“Mən fəxr edirəm ki, Heydər Əliyev dövrünün ziyalıları ilə çiyin-çiyinə çalışıram”- Pirşağı Bələdiyyəsinin sədri Əfsanə Rəhimova

Azərbaycanın müasir tarixində dövlətçilik ənənələrinin qorunub saxlanılması və gələcək nəsillərə ötürülməsi Ulu Öndər Heydər Əliyevin adı ilə sıx bağlıdır. Onun müəyyənləşdirdiyi siyasi xətt bu gün Prezident İlham Əliyev tərəfindən uğurla davam etdirilir. Bu siyasi xəttin əsasını xalqın rifahı, dövlətin güclənməsi və vətənpərvərlik dəyərlərinin təbliği təşkil edir. Bu prinsiplərə sadiqliyi ilə seçilən şəxslərdən biri də Pirşağı Bələdiyyəsinin sədri Əfsanə Rəhimovadır.

Əfsanə Rəhimova öz fəaliyyətini sadəcə inzibati idarəçiliklə deyil, həm də milli-mənəvi dəyərlərə bağlılığı, vətənpərvər mövqeyi, insanlara göstərdiyi qayğı ilə fərqləndirir. O, öz sözləri ilə desək, “Heydər Əliyev dövrünün gənclərindəndir” və bu, təkcə onun yaşına və o dövrdə formalaşmış düşüncə tərzinə aid deyil. Bu ifadə onun ideoloji baxışlarını, milli məsuliyyət hissini və dövlətə sədaqətini ifadə edir.

Əfsanə Rəhimova Ulu Öndər Heydər Əliyevin gənclər siyasətinin canlı təzahürüdür. O, hər zaman öz çıxışlarında bildirir ki, "Heydər Əliyev məktəbi" onun üçün təkcə siyasi doktrina deyil, həm də həyat fəlsəfəsidir. Bu yanaşma onun idarəçilik fəaliyyətində, qərar qəbul etmə prosesində və ictimai münasibətlərində aydın görünür. Əfsanə xanım bələdiyyə rəhbəri olaraq əhalinin bütün təbəqələrinə, xüsusilə də şəhid ailələrinə, qazilərə və aztəminatlı ailələrə qarşı humanist və diqqətli münasibəti ilə seçilir. Bu isə birbaşa olaraq Ulu Öndərin “xalq üçün yaşamaq, xalqa xidmət etmək” prinsipinə uyğun gəlir.

Əfsanə Rəhimova yalnız Heydər Əliyev ideyalarına bağlı qalmayıb, bu ideyaların müasir dövrdə uğurla davam etdirilməsini dəstəkləyən bir liderdir. Prezident İlham Əliyevin apardığı daxili və xarici siyasəti tam dəstəklədiyini daim vurğulayan Əfsanə xanım onun “xalqın Prezidenti” kimi gördüyü vətəndaş yönümlü qərarların yerli səviyyədə həyata keçirilməsində fəal iştirak edir. Xüsusilə də, regionların sosial-iqtisadi inkişafı proqramları çərçivəsində Pirşağı qəsəbəsində həyata keçirilən infrastruktur layihələri, abadlıq və quruculuq işləri Əfsanə Rəhimovanın rəhbərliyi ilə uğurla icra olunur.

Prezidentin “Güclü dövlət, rifahlı vətəndaş” devizinə uyğun olaraq, Əfsanə Rəhimova Pirşağının çiçəklənməsi üçün gecə-gündüz çalışır. Onun səyi nəticəsində qəsəbədə yeni yollar salınır, parklar bərpa olunur, kanalizasiya və su xətləri yenilənir, sosial obyektlərin fəaliyyəti təkmilləşdirilir.

Əfsanə Rəhimovanın fəaliyyəti təkcə idarəçiliklə məhdudlaşmır. O, müharibə iştirakçıları, qazilər və şəhid ailələri ilə xüsusi maraqlanır. Onların problemləri ilə şəxsən maraqlanır, ehtiyaclarına uyğun dəstək göstərir. Əməkdaşlığı təkcə dövlət orqanları ilə deyil, eyni zamanda xeyriyyə təşkilatları və könüllü təşəbbüslərlə də genişləndirən bələdiyyə sədri şəhidlərin əziz xatirəsini yaşatmaq üçün müxtəlif layihələrə də öncüllük edir.

Pirşağıda şəhidlərin adına salınmış xiyabanlar, onların ailələrinə verilən sosial dəstək paketləri, qazilərin məşğulluğunun təmin olunması sahəsində görülən işlər Əfsanə Rəhimovanın rəhbərliyində reallaşan sosial ədalət prinsipinin bariz nümunələrindəndir.

Əfsanə xanım inanır ki, şəhid ailələrinə və qazilərə qayğı göstərmək sadəcə vəzifə deyil, mənəvi borcdur. Bu baxış bucağı onun iş fəaliyyətində səmimiliyi, xalqa bağlılığı və dövlətə sədaqəti ilə möhkəmlənmişdir.

Əfsanə Rəhimovanın fəaliyyəti eyni zamanda Azərbaycanda qadınların idarəetmədə uğurla təmsil olunmasının da bariz nümunəsidir. O, dövlətin qadın siyasətinə uyğun olaraq cəmiyyətdə qadınların fəal rol almasının tərəfdarı və təşviqçisidir. Gənc qızların təhsil alması, sosial fəaliyyətə cəlb olunması və özünü ifadə imkanlarının genişlənməsi üçün bələdiyyə çərçivəsində layihələr həyata keçirilməkdədir.

Əfsanə xanım müasir, intellektual və təşəbbüskar bir qadın rəhbər kimi ətrafına pozitiv enerjisi ilə təsir edir. Onun rəhbərliyi dövründə Pirşağı qəsəbəsinin sosial həyatında aktivlik artıb, vətəndaş cəmiyyəti institutları ilə əməkdaşlıq genişlənib, əhali ilə birbaşa ünsiyyət formatları yaradılıb.

Pirşağı qəsəbəsi Bakı kəndləri arasında öz qədimliyi və təbiət gözəlliyi ilə fərqlənən bir məkandır. Əfsanə Rəhimovanın sədrliyi dövründə bu qəsəbə təkcə tarixi irsini qoruyub saxlamaqla kifayətlənməyib, eyni zamanda müasir infrastrukturla zənginləşib. Yol infrastrukturu, istirahət parkları, abadlıq işləri və sosial obyektlərin yenilənməsi Pirşağının simasını dəyişməkdədir.

Əfsanə Rəhimova ekologiyaya da xüsusi önəm verir. Qəsəbənin təmizliyi, yaşıllaşdırılması və ekoloji maarifləndirmə layihələri onun rəhbərliyi ilə uğurla həyata keçirilir. Dəniz sahilindəki təmizləmə işləri və tullantıların idarə olunması sahəsində görülən tədbirlər yerli əhali tərəfindən böyük rəğbətlə qarşılanır.

Əfsanə Rəhimova gələcəyə nikbin baxır. Onun rəhbərliyi altında həyata keçirilən layihələr təkcə bu günün deyil, gələcək nəsillərin də maraqlarını nəzərə alır. Gənclər üçün yaradılan imkanlar, təhsil və sosial dəstək layihələri bu məqsədə xidmət edir.

Əfsanə xanım hesab edir ki, hər bir rəhbərin başlıca vəzifəsi ona etimad göstərən insanlara vicdanla xidmət etməkdir. Bu yanaşma onun bütün fəaliyyətində əsas prinsip kimi çıxış edir. Vətəndaş məmnuniyyəti onun üçün ən böyük qiymətləndirmədir.

Pirşağı Bələdiyyəsinin sədri Əfsanə Rəhimova Azərbaycan qadınının fədakar, zəhmətkeş, vətənpərvər obrazını uğurla təcəssüm etdirir. Onun rəhbərliyi ilə Pirşağı qəsəbəsi gündən-günə inkişaf edir, çiçəklənir. Əfsanə xanım Ulu Öndər Heydər Əliyevin “Xalq – dövlət üçün deyil, dövlət – xalq üçündür” fikrini rəhbər tutaraq, insanlara xidmət etməyi özünə həyat məqsədi seçib.

Hazırladı: Nail Amin

“Xezertv.info”nun icraçı direktoru.