DOSTUN EŞQİNƏ

Hansı can, dustaq düşər dünyadə dostun eşqinə

Göz yumar, sir saxlayar çox sadə dostun eşqinə

Varlığın eylər fəda, öz dostunun bir muyinə

Hər zaman canbazlığa amadə dostun eşqinə

Dostunun şiriliyin, verməz bütün aləmlərə

Baş verib, dərs öyrədər Fəhadə dostun eşqinə

Dostunun bir dəm vüsalın cənnəti əla bilər

Cənnəti dost yurdudur, üqbadə dostun eşqinə

Gün cəmalın vəsf edər, ayinə bəndin əlləri

Bir qızıl alma dilər, azadə dostun eşqinə

İstəməz zamin dura bir kimsə dostdan qeyrisi

Qərqi tufan olsada dəryadə dostun eşqinə

Dostunun yahusinin eşqində can ahusi var

Can bağışlar yar deyən səyyadə dostun eşqinə

Ayrılıq çox bir cətin zad, çəkməyən bilməz yəqin

Bir vəfa, min bir cəfa, dildadə dostun eşqinə

Dostunun küyin gəzən, sultanlığa əzm eyləməz

Çevrilər şahlıq verən ustadə dostun eşqinə

Mən hara, ol dost hara, mur tək Süleyman dərgəhi

Seyr edib könlüm gələr fəryadə dostun eşqinə

Eşqi təbliğ eyləməz, aşıq özün eylər fəda

Dostların möhkəm tutar, mövla də dostun eşqinə

Eylə bir dostun cəmalın görməyin müştaqiyəm

Qılsa dostluqdan kərəm, röyadə dostun eşqinə

Mən yazıq Elman kiməm, yar saldı eşqin bəhrinə

Çün məhəbbət vergidir, bir badə dostun eşqinə

Gül Anam vermiş təbərrik, haq camından bir içim

Mey verən saqi yetər imdadə dostun eşqinə

O.D.ELMAN

YƏQİN

Ey canı cananım mənim, dərdimdə dərmansan yəqin

Canlarda canan varlığı, can adlı fərmansan yəqin

Kimdir adından məst olub meyxanələrdən çıxmasın

Mey dadlı saqisən özün, eşq içrə imansan yəqin

Bir damla eşqindən sənin hər kim dadıb, əql istəməz

Divanələr m'əşuqisən, həq canlı imansan yəqin

Musayə tur, İsayə nur, İbrahimin can k'əbəsi

Sən Əhmədin can vəhdəti, hökmü Süleymansan yəqin

Mövla adından kayinat zərdən vilayət məstidir

Tutmuş qərarı beylədir, bir doğru peymansan yəqin

Hər dində gəlmişdir adın, tövratü incildən sənəd

Hər anda həqqin mazhəri, həq donda mehmansan yəqin

Mövla deyənlər bəzminin hər dəmdə sənsən istəyi

Rəhmət sənin hökmündədir, həq nuri rəhmansan yəqin

Elman, məhəbbət badəsi həqdən gələn bir töhfədir

Mövlayə olsan mübtəla, doğru müsəlmansan yəqin

O D.ELMAN