“Qalib gəlməsəydik, ölkəmizi həqiqətən də itirə bilərdik”

ABŞ lideri Donald Tramp prezidentliyinin ikinci dövründə ilk müsahibəsini verib.

“Qafqazinfo” xarici mediaya istinadən xəbər verir ki, əsasən daxili siyasət məsələlərinin müzakirə edildiyi müsahibədə Tramp xələfi Co Baydeni və onun administrasiyasının qərarlarını tənqid edib.

Trampın sözlərinə görə, 2020-ci il seçkilərində uduzmasaydı, ABŞ-də inflyasiya olmayacaqdı, həmçinin Rusiya-Ukrayna müharibəsi və digər böhranlar heç vaxt baş verməyəcəkdi. O, bütün bu hadisələrin Bayden administrasiyasının “zəifliyi” səbəbindən olduğunu deyib: “Sadaladığım bütün problemlər həll edilə bilər. Amerikanı yenidən qazana bilərik, amma bu seçkilərdə qalib gəlməsəydik, ölkəmizi həqiqətən də itirə bilərdik”.