Lerikdə meşədə 3 avtomat tapıldı

Lerik rayonunda “Palıdlıq” adlanan meşəlik ərazidə silah-sursat aşkarlanıb.

DİN-in Mətbuat xidmətinin Lənkəran regional qrupundan “Qafqazinfo”ya verilən məlumata görə, Lerik RPŞ əməkdaşları əraziyə baxış keçirən zaman 3 ədəd “Kalaşnikov” markalı avtomat silah və həmin silahlara aid 25 ədəd patron aşkarlanaraq götürülüb.

Bundan əlavə, keçirilən digər tədbirlərlə rayon sakinlərində müvafiq sənədləri olmadan qanunsuz olaraq saxlanılan 10 ədəd müxtəlif markalı ov tüfəngi aşkarlanıb.

Bu istiqamətdə tədbirlər davam etdirilir.