“Real” “Atletik Bilbao” ilə bacarmadı

İspaniya çempionatının 19-cu turunda “Real Madrid” “Atletik Bilbao”nun qonağı olub.

“Qafqazinfo”nun məlumatına görə, qarşılaşma “Atletik Bilbao”nun 2:1 hesablı qələbəsi ilə başa çatıb.

Matçda hesabı 53-cü dəqiqədə ev sahiblərinin hücumçusu Aleks Berenger açıb. 69-cu dəqiqədə Killian Mbappe penaltini reallaşdıra bilməyib. 79-cu dəqiqədə Cud Bellinqem hesabı bərabərləşdirib. 80-ci dəqiqədə “Atletik” Qorka Qurusetanın qolu ilə hesabda önə keçib.

Qeyd edək ki, “Real Madrid” 33 xalla turnir cədvəlinin ikinci pilləsində qərarlaşıb. “Atletik Bilbao” isə 29 xalla dördüncü yerdədir.