“Qarabağ” “Neftçi”yə qalib gəldi

Bu gün Azərbaycan Premyer Liqasında 15-ci tura yekun vurulub.

“Qafqazinfo” xəbər verir ki, son gündə bir oyun baş tutub.

“Neftçi” əzəli rəqibi olan son çempion “Qarabağ”ı qəbul edib.

Ağdam klubu Azərbaycan derbisində qalib gəlməklə, yenidən zirvəni ələ keçirib.

Xatırladaq ki, turun əvvəlki oyunlarında “Araz-Naxçıvan” “Turan Tovuz”a, “Sabah” “Səbail”ə, “Kəpəz” də “Şamaxı”ya oxşar hesabla (1:0) qalib gəlib, “Zirə” isə “Sumqayıt”ı darmadağın (4:1) edib.

Azərbaycan Premyer Liqası
15-ci tur
1 dekabr

“Neftçi” – “Qarabağ” 0:3
Qollar: Leandro Andrade, 27; 56. Nəriman Axundzadə, 54.