Adil Əliyevdən Araz Musayevin iddialarına cavab: "Ortada istintaqı yayındırmaq cəhdi var"
Şahin Seyidzadə: Azərbaycanın yaşıl enerji sahəsindəki təşəbbüsləri xüsusi əhəmiyyət daşıyır
Elsevər Məmmədov Niderland- Belçika Azərbaycanlıları Koordinasiya Şurasının yeni koordinatoru seçildi
Ağdərədə itkin düşmüş şəhid İbrahimov Sahil Nurəddin oğlu Əmircan qəsəbəsi Şəhidlər xiyabanında dəfn edildi
Zaqatala Dövlət İdarəetmə və Texnologiya Kollecinin direktoru vəzifəsini icra edən Dürrə Hacıyeva: “Çağdaş Təhsilimizin Banisi – Ulu Öndər Heydər Əliyev”
Azərbaycanda keçirilən mötəbər tədbirlər ölkəmizə olan inam və etibarın bariz nümunəsidir
Yevlax şəhər Mədəniyyət Mərkəzinin filialı Şəhər Yaradıcılıq Evində Bəşir Səfəroğlu adına Xalq Teatrında tədbir keçirilib.
AHİK-in “Şəki” İstirahət Mərkəzinin əsaslı təmirdən sonra açılışı olub
Avqustun 7-də Xəzər rayonunun Buzovna qəsəbəsində yerləşən Azərbaycan Həmkarlar İttifaqları Konfederasiyasının (AHİK) “Şəki” İstirahət Mərkəzinin əsaslı təmirdən sonra açılışı olub.
Açılış mərasimində AHİK sədri, VI çağırış Milli Məclisin deputatı Səttar Möhbalıyev iştirak edib.
Məlumat verilib ki, mərkəzdə 100 nəfərlik 2 dördmərtəbəli yataq korpusu var. Bütün otaqlar kondisioner, televizor, soyuducu, seyf, fen və xalatlarla təchiz olunub. Eləcə də burada ittifaq üzvlərinin rahat dincəlməsi üçün istirahət guşələri də mövcuddur. Mərkəzin ərazisində ikimərtəbəli müalicə korpusu da var ki, bunun da birinci mərtəbəsində yeməkxana zalı, ikinci mərtəbəsində müalicə və müayinə kabinetləri yerləşir. Qapalı hovuz da istirahət edənlərin istifadəsindədir. Həmçinin müxtəlif beynəlxalq və yerli tədbirlərin keçirilməsi üçün nəzərdə tutulan zalda hər cür şərait var.
Ərazidə göz oxşayan geniş yaşıllaşdırma işləri aparılıb, müasir işıqlandırma sistemi qurulub.
AHİK sədri istirahət mərkəzinin ərazisini gəzib, korpuslara baxış keçirib, istirahət üçün yaradılmış şəraitlə tanış olub.
Yaradılmış şəraiti yüksək qiymətləndirən Konfederasiya sədri mərkəzin rəhbərliyinə xidmətlərin daha da yüksək səviyyəyə qaldırılması və yarana biləcək hər hansı problemin dərhal aradan qaldırılması üçün tövsiyə və tapşırıqlarını verib.