Yutubun keçmiş rəhbəri vəfat etdi

Yutubun keçmiş baş direktoru Suzan Vocitski iki ildir müalicə olunduğu ağciyər xərçəngindən 56 yaşında vəfat edib.

“Qafqazinfo” xəbər verir ki, bu barədə Quql şirkətinin icraçı direktoru Sundar Pinçai “X” hesabında məlumat verib.

“Əziz dostum Suzan Vocitskinin itkisindən hədsiz dərəcədə kədərləndim. O, Quql şirkətinin tarixində də vacib şəxs idi. Onsuz dünyanı təsəvvür etmək çətindir. O, dünyaya böyük təsir göstərən inanılmaz insan, lider və dost idi...”, - deyə o yazıb.

Qeyd edək ki, S.Vocitski 2014-2023-cü illərdə yutubun baş direktoru vəzifəsində çalışıb. O, sağlamlığı ilə əlaqədar ötən il rəhbərlikdən gedib.