Azərbaycanda yeni epidemiya gözlənilirmi? (ŞƏRH)

 

Bunu Qaynarinfo-ya açıqlamasında professor Adil Qeybulla Braziliyada yayılan Oropuş qızdırmasından danışarkən deyib. 

Ekspert belə bir məqamda Dünya Səhiyyə Təşkilatının tövsiyyələrinə uyğun hərəkət edilməyin vacibliyini vurğulayıb:

"Biz imkan daxilində xəstəliyin ölkəmizə ayaq açmasının qarşısını almalıyıq. Hər hansı bir vəziyyət baş verərsə, diqqətli olmaq və infeksiyanı yerində lokallaşdırmaq üçün bütün imkan səfərbər edilməlidir".

Həmsöhbətimiz bildirib ki, Oropuş qızdırması bunyaviruslar qrupuna aid olan viruslar tərəfindən törədilir:

"Xəstəlik adətən yüngül keçir və 3-4 gün müddətində demək olar sağalır. Lakin bəzi hallarda müəyyən səbəblərdən güman edilir ki, qaraciyərdə qlutationun səviyyəsi aşağı və immun sistemi təlatümlü olan xəstələrdə xəstələrdə ağırlaşa və ölüm törədə bilər".

 

Professor hesab edir ki, hipertermiya törədən virusların əksəriyyəti ağçaqanadlar tərəfindən törədilir:

"Ağçaqanadlar vasitəsi ilə bu xətəlik bir insandan digərinə keçir. Dünyanın hər yerində ağçaqanaqların qırılması üçün lazımı tədbirlər görülür, gölməçələr qurudulur və s. Bizdə də bu kimi işlər gedir. Hesab edirəm bunlar intensivləşməlidir".