Xəbər Lenti
18-09-2024, 20:27
“Qarabağ və Şərqi Zəngəzurun aran ərazilərinin florasında problemlər və həlli yolları" adlı beynəlxalq konfrans keçirilib
18-09-2024, 20:24
“AzerGold” QSC-nin təşkilatçılığı ilə Daşkəsəndə keçirilən növbəti tibbi müayinə aksiyasına yekun vurulub
18-09-2024, 13:22
Professor Hacı Xaliq Bəşər haqqında yayılan məlumatla bağlı şok faktlar açıqladı. VİDEO
16-09-2024, 18:26
Botanika İnstitutu İsveçrə Federal Tədqiqatlar İnstitutu ilə mikologiya sahəsində elmi əlaqələri genişləndirir
16-09-2024, 17:51
“ŞAHMALI” QUM-ÇINQIL YATAĞINDAN GECƏLƏR QANUNSUZ İSTİFADƏ OLUNUR- Nazirin nəzərinə
Dövlət Departamenti Putinin “atəşkəs”lə bağlı absurd tələblərinə cavab verdi
Rusiya liderti Vladimir Putinin "atəşkəs” tələbləri sağlam düşüncəyə ziddir.
Qaynarinfo xəbər verir ki, bu sözləri ABŞ Dövlət Departamentinin sözçüsü Metyu Miller iyunun 17-də keçirdiyi brifinqdə deyib.
O, Rusiya rəhbərinin Ukraynanı hazırda Rusiya Federasiyasının işğal etdiyi ərazilərdən daha çox suveren ərazisindən imtina etməyə çağırdığı bəyanatını" daha bir maksimalist bəyanat” adlandırıb.
"Heç bir məsul ölkə deyə bilməz ki, bu, sülh üçün ağlabatan əsasdır. Bu, BMT Nizamnaməsinə ziddir. Bu, təməl əxlaqa ziddir. Bu, əsas sağlam düşüncəyə ziddir”, - ABŞ Dövlət Departamentinin nümayəndəsi bildirib.
Onun sözlərinə görə, işğalçı ölkə Rusiya heç bir ciddi "vicdanlı müzakirələrə” hazır deyil.
"Rusiyanın hərəkətləri bunu xüsusilə aydın göstərir ki, o, Ukraynanın mühüm infrastrukturunu bombalamağa, Qara dənizdəki gəmiləri təhdid etməyə və on minlərlə ukraynalı uşağı zorla köçürməyə davam edir”, - Miller əlavə edib.
Qeyd edək ki, iyunun 14-də Putin Rusiyanın dəvət olunmadığı İsveçrədə keçiriləcək sülh sammitindən əvvəl Ukraynaya qarşı müharibəni dayandırmaq üçün "şərtlərini” açıqlayıb. O, hərbi əməliyyatları dayandırmaq üçün Ukraynanın inzibati sərhədlər daxilində Donetsk, Luqansk, Xerson və Zaporojye vilayətlərinin ərazilərindən "qoşunlarını çıxarmalı” olduğunu xəyal edib. O, həmçinin Ukraynadan NATO-ya üzv olmaqdan imtina etməyi tələb edib.
Ukrayna Xarici İşlər Nazirliyi qeyd edib ki, Putinin özünü " sülhməramlı” kimi təqdim etmək və başladığı müharibəni dayandırmaq üçün "variantlar” təklif etmək cəhdləri absurddur. Putinin səsləndirdiyi bütün ultimatumlar artıq Moskvadan dəfələrlə eşidilib və bu bəyanatlarda yeni heç nə yoxdur.
Prezident Vladimir Zelenski Putinin yeni manipulyasiya bəyanatlarını ultimatum adlandırıb və onun nasizmin dirçəldilməsi ilə məşğul olduğunu xatırladıb.
Ukrayna Xarici İşlər Nazirliyinin rəhbəri Dmitri Kuleba bildirib ki, Ukrayna Rusiya ilə danışıqlar aparmalı olacağını başa düşür, lakin ultimatum dilindən istifadə etməyə imkan verməyəcək.