Azərbaycan və Belarus arasında strateji əməkdaşlıq əlaqələri xüsusi əhəmiyyət kəsb edir
Sənədsiz ev sahiblərinin DİQQƏTİNƏ: Qeydiyyat üçün portalın hazır olacağı tarix AÇIQLANDI
Rusiya XİN: “Postsovet məkanında bütün məsələlər qonşular arasında birgə həll edilməlidir”
İlham Əliyev ATƏT-in fəaliyyətdə olan sədrinin başçılıq etdiyi nümayəndə heyətini qəbul edib
Salam verəndə də siqnal, söyüş söyəndə də: Yolların həsrət qaldığı sürücü mədəniyyəti
Botanika İnstitutunda Ümummilli Lider Heydər Əliyevin 101 illiyinə həsr olunmuş “DÜNYAMIZI YAŞILLAŞDIRAQ” mövzusunda konfrans keçirilib
Botanika İnstitutunun əməkdaşları Almaniyada elmi ezamiyyətdə olub
AR ETN Botanika İnstitutunun gənc əməkdaşları, biologiya üzrə fəlsəfə doktoru Aytən Fətdayeva, doktorantlar Asya Əkbərova və Səbinə Hacıyeva Almaniyanın Berlin şəhərində elmi ezamiyyətdə olublar. Ezamiyyətin məqsədi Berlin Freie Universitetinin Biologiya bölməsində Berlin Botanika Bağı və Botanika Muzeyinin (BGBM, Almaniya) direktoru, professor Thomas Borshun rəhbərliyi ilə keçirilən Molekulyar-filogenetika kursunda iştirak etmək və molekulyar-filogenetik analizlər aparmaq olub.
Kurs müddətində gənc tədqiqatçılar tərəfindən Berlin Botanika Bağı və Botanika Muzeyinin laboratoriyasında Azərbaycan florasında yayılan Campanula L., Teucrium L. bitki cinslərinə aid növlər üzərində molekulyar-filogenetik tədqiqatlar aparılıb. Azərbaycanın müxtəlif rayonlarından toplanılan Campanula və Teucrium cinslərinin növlərinə aid silikageldə saxlanılan yarpaq nümunələrinin laborator şəraitdə DNT-in ektraksiyası, onun PZR amplifikasiyası, elektroforezi və xüsusi metodikalara uyğun proqram təminatları vasitəsilə DNT ardıcıllığı oxunulub. Xloroplast DNT-si (cpDNA) məlumatları əsasında statistik etibarlı ən uyğun filogenetik ağacın qurulması üzərində isə işləri davam etdirilir.
Səfər müddətində tədqiqatçılar Berlin Botanika Bağı və Botanika Muzeyinin kitabxanasını ziyarət edib, həmçinin herbari fondunda herbari nüsxələrinin təftişini aparıblar.
Sonda Botanika İnstitutunda A.Fətdayeva, A. Əkbərova və S.Hacıyevanın təqdimatında keçirilən elmi seminarda ezamiyyətin nəticəsinə dair məruzələri dinlənilib.
Məhsəti Qurbanova
AR ETN Botanika İnstitutu
İctimaiyyətlə əlaqələr şöbəsinin müdiri