"Avant Group" rəhbəri Əli Hüseynovun tapşırığı ilə ağaclar kəsildi-Baş Prokurorluq araşıdırma aparacaq
Prezident İlham Əliyev və birinci xanım Mehriban Əliyeva Şuşada bir sıra açılışlarda iştirak edib və görülən tikinti işləri ilə tanış olublar
Ermənistan XİN başçısı: Azərbaycanla sülh sazişini mümkün qədər tez imzalamaq lazımdır
"Bu, bizi sülhə yaxınlaşdırmır": Zelenski Trampın xüsusi nümayəndəsini sərt tənqid etdi
ABŞ İrana Yaxın Şərqdəki böhranı daha da pisləşdirəcək addımlar barədə xəbərdarlıq edib
“ABŞ İranı Yaxın Şərqdə mövcud böhranı gücləndirə biləcək hərəkətlərə qarşı xəbərdar edir”.
Bunu BMT Təhlükəsizlik Şurasında Yaxın Şərqdəki vəziyyətlə bağlı açıq debatda çıxış edən ABŞ dövlət katibinin mülki təhlükəsizlik, demokratiya və insan haqları üzrə müavini Uzra Zeya deyib.
“Birləşmiş Ştatlar dəfələrlə İrana və onun müvəkkillərinə daha geniş münaqişəyə səbəb ola biləcək hücumlara başlamaq üçün fürsətdən istifadə etməmələri barədə xəbərdarlıq edib”, - deyə xarici işlər nazirinin müavini bildirib.
“Biz İranın İraq və Pakistanda yerləşən bölgələrə hücumlarını pisləyirik”, - deyə Zeya əlavə edib. Eyni zamanda, o, Vaşinqton adından Yəmən üsyançı hərəkatı “Ənsar Allah”ın (husilər) addımlarını, o cümlədən onların Qırmızı dənizdə gəmiləri atəşə tutmasını pisləyib.
“Və açıq deyim: Birləşmiş Ştatlar regiondakı şəxsi heyətini və maraqlarını qorumaq üçün beynəlxalq hüquqa uyğun müvafiq müdafiə tədbirləri görməyə davam edəcək”, - deyə diplomat əlavə edib.
Mənbə: Oxu.az