İlon Mask ABŞ prezidentliyinə namizədlərdən kimə etibar edir?

İlon Mask Respublikaçıların prezidentliyə namizədi, iş adamı Vivek Ramasvamiyə güvəndiyini bildirib.
“SpaceX” və “Tesla” şirkətlərinin sahibi “X” sosial şəbəkəsində bir istifadəçinin Ramasvamiyə etibar edib-etməməsi ilə bağlı sualına müsbət cavab verib.
ABŞ-də prezident seçkisi noyabrda keçiriləcək. 25 aprel 2023-cü ildə hazırkı ABŞ lideri Co Bayden ən yüksək hökumət postuna yenidən seçilmək istəyəcəyini açıqlayıb. Onun sələfi Donald Tramp 2022-ci ilin noyabrında seçki mübarizəsinə qatılacağını bildirib və indi o, Respublikaçılar Partiyasından prezidentliyə namizədlik uğrunda mübarizədə favorit hesab olunur. Onun rəqibləri arasında Ramasvamidən başqa, Florida qubernatoru Ron DeSantis və ABŞ-nin BMT-dəki keçmiş səfiri Nikki Heyli də var.
Mənbə: Oxu.az