Menu
Xəbər Lenti
Tərəf müqabili oldular
Dünən, 09:49

Tərəf müqabili oldular

Prezident nekroloq imzaladı
1-08-2025, 11:56

Prezident nekroloq imzaladı

Sabah hava necə olacaq?
1-08-2025, 11:53

Sabah hava necə olacaq?

Günün ikinci zəlzələsi
31-07-2025, 12:35

Günün ikinci zəlzələsi

Kəlbəcərdə zəlzələ oldu
31-07-2025, 10:17

Kəlbəcərdə zəlzələ oldu

ŞEİRİNƏ SIĞMAYAN ŞAİR
30-07-2025, 14:26

ŞEİRİNƏ SIĞMAYAN ŞAİR

07 Noyabr 2023 05:12Manşet / Dünya

BMT baş katibi: “HƏMAS mülki əhalidən canlı qalxan kimi istifadə edir”

 

"HƏMAS mülki əhalidən canlı qalxan kimi yararlanır və ayrı-seçkilik etmədən İsrailə raket atmağa davam edir".

"Report"un ABŞ bürosu xəbər verir ki, bunu BMT-nin Nyu-Yorkdakı baş qərargahında təşkilatın baş katibi Antoniu Quterreş jurnalistlərə açıqlamasında deyib.

A.Quttereş HƏMAS yaraqlılarına səslənərək, Qəzzada saxlanılan girovların dərhal, qeyd-şərtsiz və təhlükəsiz azad olunmasını tələb edib: "Oktyabrın 7-də HƏMAS-ın törətdiyi iyrənc terror aktlarını bir daha pisləyirəm. Mülki əhalinin qəsdən işgəncələrə məruz qalmasına, öldürülməsinə, yaralanmasına və oğurlanmasına heç nə haqq qazandıra bilməz. Mülki əhalinin müdafiəsi hər şeydən üstün olmalıdır. Beynəlxalq humanitar hüququn açıq şəkildə pozulmaqda davam edir və bu məni çox narahat edir. Hər kəs bilməlidir ki, heç bir silahlı münaqişə beynəlxalq humanitar hüquqdan üstün deyil".

Baş katib bildirib ki, Yaxın Şərqdə davam edən münaqişə nəticəsində dörd həftədə azı otuz il ərzində baş verən digər münaqişələrlə müqayisədə daha çox jurnalist öldürülüb: "Qəzzada davam edən münaqişə nəticəsində 36 jurnalist və media işçisinin öldüyü təsdiqlənib. BMT-nin Qəzza zolağında ən böyük humanitar təşkilatı olan Fələstinli Qaçqınlara Yardım və İşlər üzrə Agentliyinin (UNRWA) 88-dən çox əməkdaşının həlak olub. Bu qəddar, dəhşətli, əzablı dağıntıdan çıxış yolu tapmaq üçün indi hərəkətə keçməliyik. Tərəflər müharibənin həll yolunu sülhdə tapmalı və münaqişə sona çatmalıdır".

Xatırladaq ki, oktyabrın 7-də Qəzzada yerləşən HƏMAS radikal qruplaşması İsrailə hücum edib. Son məlumata görə, 1,4 min nəfərdən çox insan hücumun qurbanı olub. Buna cavab olaraq İsrail Müdafiə Qüvvələri HƏMAS-a qarşı hərbi əməliyyata başlayıb. Hərbi əməliyyatlar zamanı anklavda 10 mindən çox insan həlak olub. İsrail ordusunun məlumatına görə, hazırda 240-dan çox insan HƏMAS-ın əsirliyindədir.