“The Beatles” qrupunun son mahnısı yayımlandı

İngiltərənin “The Beatles” rok qrupunun son mahnısı rəsmi olaraq yayımlanıb. 45 il öncə yazılmış “Now and Then” kompozisiyası qrupun tarixində bütün üzvlərin bu və ya digər şəkildə iştirakı ilə ərsəyə gəlmiş son əsər olub.

Dörd dəqiqə səkkiz saniyəlik mahnı BBC radiosunda yayımlanıb və eyni vaxtda dünyanın bütün aparıcı yayım platformalarında peyda olub.

Noyabrın 3-də mahnının nüsxələri CD, vinil və kasetdə satışa çıxarılacaq.

Qeyd edək ki, “Now and Then” Con Lennon tərəfindən 1978-ci ildə bəstələnib.

Mənbə: Oxu.az