İpək Yolu MMC-nin çökməsinin sifarişini kim verib? - İDDİA

Abşeron rayonu İpək Yol MMC polietilen torbaların istehsal şirkətinin sahibkarı Niftəlıyev Qəzənfər Əkbər oğlu tərəfindən redaksiyamıza etdiyi müraciət və şikayətə əsasın araşdırmalara başladıq.

Niftəliyev Qəzənfər Əkbər oğlu müraciətində bildirir ki, rəhbərlik etdiyi İpək Yol MMC polietilen torbaların istehsalı şirkəti 2020-ci ilə qədər heç bir problem olmadan, yüksək səviyyədə fəaliyyət göstərib. Hətta, İpək Yol MMC polietilen torbaların istehsalı şirkəti həmin ildə, Araz şirkətlər qrupunun keçirdiyi tenderin qalibi də elan olunub. Elə həmin ildən şirkətin qazandığı uğurlardan sonra, polietilen torbaların istehsalı ilə məşğul olan şirkət get-gedə geriləməyə başlayır. Şirkətdə şübhə doğuran günü-gündən geriləmə,şirkət sahibi və oradaki məsul işçilərdə ciddi narahatlıq yaradır.

2021-2022 ci ildə İpək Yolu MMC də aparılan audit yoxlamalar nəticəsində şirkətin iflasa doğru sürükləndiyi müəyyən edilir.

Şirkətin sahibkarı Qəzənfər Niftəliyev faktı təstiqləyən sənədlər əsasında iddia edir ki, şirkətdə fəaliyyət göstərən mühasib Məmmədova Rəfiqə Əşrəf qızı şirkətin bütün məlumatlarını şirkətdən kənar şəxslərə ötürərək, şirkətin istehsal etdiyi polietilen torbaları gizli şəkildə maya dəyərindən daha ucuz müxtəlif satış mərkəzlərinə satmaqla şəxsi malı kimi qazanc əldə edirmiş. Bundan əlavə, qanuni olaraq məhsulların fərqli biznes yerlərinə satışından gələn gəliri şirkətin büdcəsinə deyil, şirkətin mühasibi Məmmədova Rəfiqə özünün şəxsi bank hesabına yatızdırırmış. Bu minvalla şirkətin mühasibi Məmmədova Rəfiqə müxtəlix formalarda şirkətin nə az, nə çox 350-400 min manat civarında pulunu mənimsədiyni və oğurladığnı şirkətin rəhbəri Niftəliyev Qəzənfər israrla bildirdi.

Araşdırmalarımız zamanı biz şirkətin keçmiş mühasibi Məmmədova Rəfiqə Əşrəf qızı ilə telefonla əlaqə saxladıq. Telefon danışığımız zamanı Məmmədova Rəfiqə şirkətin ona qarşı qaldırdığı iddia ilə razılaşmadığını bildirdi.Biz keçmiş mühasib ilə baş verənlərə aydınlıq gətirilməsi üçün görüşməyimizi bildirdikdə o görüşdən qəti şəkildə imtina etdi.

Hörmətli izləyicilər bildirmək istəyirik ki, İpək Yol MMC şirkətinin rəhbərinin şikayətinin bildirdiyinə görə Abşeron rayon polis idarəsində 7 , 8 ay bundan əvvəl açılmış cinayət işi zamanı şirkətə dəymiş ziyanla bağlı bəzi məqamlar müəyyən edilsə də nədənsə cinayət işinin tamamlanması kimlərəsə sərf etmir.Görünür ki, bu işdə daha yüksək çinli məmurların maraqları açılmış cinayət işinin yekunlaşmasına imkan vermir.

Xatırlatmaq istəyirik ki, polietilen torbaların istehsalı şirkəti olan İpək Yol MMC 2018-ci ildə yaradılıb və həmin ildən fəaliyyətə başlayıb.
Onu da qeyd etmək istəyirik ki hazırladığımız süjetlə bağlı Araşdırmalarımızı davam edirəcəyik.

millitv.az

DAHA ƏTRAFLI VİDEODAN İZLƏ