İtaliyada miqrantların olduğu qayığın batması nəticəsində ölənlərin sayı artıb

İtaliyanın cənubundakı Krotona qəsəbəsi sahillərində miqrantları daşıyan qayığın batması nəticəsində ölənlərin sayı 67-yə çatıb.

AZƏRTAC xəbər verir ki, İtaliyanın patrul gəmiləri ilə hazırda axtarış-xilasetmə əməliyyatları bütün sahil zonası boyunca davam edir. İtkin düşənlərin sayı hələlik naməlum olaraq qalır. Qayıqda azı 150 miqrantın olduğu bildirilib və bu vaxtadək 80-dən çox insan xilas edilib.

İtaliya Prezidenti Sercio Mattarella hadisə qurbanlarının xatirəsini yad etmək üçün martın 2-də Krotona şəhərinə gedəcək və həlak olanların dəfn mərasimində iştirak edəcək.

Xatırladaq ki, fevralın 26-da İran, Pakistan və Əfqanıstandan olan miqrantları daşıyan qayıq əlverişsiz hava şəraiti səbəbindən İtaliyanın Kalabriya regionu sahillərində qayalara çırpılaraq batıb.