Nepalda təyyarə qəzaya uğrayıb

Nepalın Poxara şəhəri yaxınlığında “Yeti Airlines” şirkətinə məxsus sərnişin təyyarəsi qəzaya uğrayıb.

AZƏRTAC xəbər verir ki, bu barədə “The Kathmandu Post” nəşri məlumat yayıb.

Bildirilib ki, qəza baş verən zaman təyyarənin göyərtəsində 72 nəfər olub. Onlardan 68-i sərnişin, 4-ü isə ekipaj üzvüdür. Qəza layner havaya qalxarkən baş verib.

Hadisə nəticəsində sağ qalanların olub-olmadığı barədə hələlik məlumat yoxdur.