"İki dövlət, bir millət" şüarı altında Azərbaycanla əməkdaşlığımızı davam etdiririk

Türkiyə olaraq dövlət xidmətlərinin göstərilməsinin təkmilləşdirilməsində beynəlxalq əməkdaşlığın önəmini də diqqətdə saxlayırıq. Həmin əməkdaşlığın əsas kökündə, eyni zamanda, qardaş Azərbaycan da dayanır. "İki dövlət, bir millət" şüarına sadiq qalaraq bu işləri görürük. Həm təcrübələri paylaşırıq, həm də öyrənməyə davam edirik.

AZƏRTAC xəbər verir ki, bunu Türkiyə Respublikası Prezidenti Administrasiyasının Rəqəmsal Transformasiya ofisinin sədr müavini Yavuz Emir Beyribey “Müasir idarəetməyə gedən yol: dayanıqlı və innovativ dövlət xidmətlərinə doğru” mövzusunda təşkil olunan Beynəlxalq Forumun ikinci sessiyasında deyib.

"Ümid edirəm ki, rəqəmsal idarəetmə sahəsində olan bu əməkdaşlıq bizi birləşdirəcək və rəqəmsal iqtisadiyyatlara yol açacaq. Biz öz təcrübələrimizi paylaşmağa hazırıq. Bir-birimizdən öyrənə bilərik", - deyə Y.E.Beyribey bildirib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin