Xəbər Lenti
Bugün, 08:55
ABŞ Ukraynanı hədələdi: Faydalı qazıntılarla bağlı razılaşmasa, “Starlink”dən ayrılacaq
Dünən, 11:41
Ağsu rayonunun Ərəbuşağı-Ağalarbəyli kəndlərinin girişində vətənpərvər İlham Ağayev Zəfər Tağı inşa etdirib.
20-02-2025, 17:31
Xeyriyyəçi, Vətənpərvər xanım Zərniyar Kərimova "23 fevral-Vətən Müdafiəçiləri Günü" münasibəti ilə Azərbaycan xalqını təbrik etdi.
20-02-2025, 08:34
FES Trampın siyasətləri səbəbindən inflyasiyanın mümkün sürətlənməsindən narahatdır
Ötən gün 27 yanğına çıxış olub, 8 nəfər xilas edilib - FHN

Azərbaycan Respublikasının Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.
Nazirlikdən bazar günü bildirilib ki, Fövqəladə Hallar Nazirliyinin “112” qaynar telefon xəttinə daxil olmuş zənglər əsasında Nazirliyin aidiyyəti qurumları tərəfindən ötən sutka ərzində 27 yanğına çıxış, 6 halda köməksiz vəziyyətdə qalma və 1 avtonəqliyyat qəzası faktı üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə, FHN-in qüvvələri tərəfindən ötən sutka ərzində 4-ü azyaşlı olmaqla 8 nəfər, o cümlədən Yevlax şəhərində “Mercedes” və “VAZ” markalı iki minik avtomobilinin toqquşması nəticəsində deformasiyaya uğrayan nəqliyyat vasitəsində sıxılı vəziyyətdə qalmış 1 nəfər xilas edilib, yanğın zamanı 12 nəfər təhlükəsiz əraziyə təxliyə olunub, 1 nəfər tüstüdən zəhərlənib, 1 nəfərin meyiti bağlı qapı arxasında aşkar edilərək aidiyyəti üzrə təhvil verilib.