Abşeron rayonu Saray qəsəbə 2 saylı tam orta məktəbdə "Şanlı tariximizin Zəfər günü" adlı tədbir keçirilib

İnsanın ən ali və əzəli hisslərindən olan vətənpərvərlik hər kəsin doğulub boya-başa çatdığı elə, obaya, torpağa, vətəndaşı olduğu ölkəyə məhəbbətdən qaynaqlanır. Lakin vətənpərvərlik təkcə Vətəni sevmək deyil. Vətənpərvərlik həm də Vətənin naminə çalışmaq, Vətəni qorumağa hər an hazır olmaq, onun yolunda qəhrəmanlıqlar, fədakarlıqlar göstərmək, Vətənin, xalqın hər bir uğuruna sevinməkdir. Bu hiss insanda anadangəlmə olsa da, bütün digər hisslər kimi tərbiyəyə möhtacdır və tərbiyə yolu ilə daha da möhkəmlənir, artır. Vətənpərvərlik insanı səciyyələndirən ən mühüm keyfiyyətlərdən olduğundan onun böyüməkdə olan nəslə aşılanması, uşaq, yeniyetmə və gənclərin vətənpərvərlik ruhunda tərbiyəsi həmişə təlim-tərbiyə işinin ən mühüm istiqamətlərindən, təhsil müəssisələrinin ən vacib vəzifələrindən olub.
Təhsil Nazirliyinin əmri ilə təsdiqlənmiş “27 sentyabr Anım Günü və 8 noyabr Zəfər Günü ilə bağlı Tədbirlər Planı”na və RTİ-nin müvafiq əmrinə əsasən ümumi təhsil müəssisələrində Zəfər Gününə həsr olunmuş konfranslar, seminarlar, mühazirələr, “Dəyirmi masa”lar, “Açıq dərs”lər, vebinarlar, ədəbi-bədii kompozisiyalar, foto və rəsm sərgiləri təşkil olunub.Tədbirlərdə canlarını ölkəmizin ərazi bütövlüyü və suverenliyi uğrunda qurban vermiş şəhidlərimizin müqəddəs ruhları bir dəqiqəlik sükutla yad edilib, Azərbaycanın tarixinə qızıl hərflərlə yazılmış Zəfər Günü barədə şagirdlərə ətraflı məlumat verilib. Vətən müharibəsində qabaqcıl hərbi texnika və texnologiyalardan məharətlə istifadə edən Azərbaycan Ordusunun dünya hərb tarixində yeni səhifə yazması barədə söhbət açılıb. Möhtəşəm qalibiyyətin əldə edilməsində müasir hərbi biliklərə və döyüş bacarıqlarına sahib, qəhrəman Azərbaycan əsgər və zabitlərinin mühüm pay sahibi olduğu diqqətə çatdırılıb.
Belə məktəblərdən biri də Abşeron rayonu Saray qəsəbə Azim Müzəffərov adına 2 nömrəli tam orta məktəbdir.
Məktəbdə Zəfər Günü münasibətilə baş tutan tədbir çərçivəsində Vətən Müharibəsində qəhrəmanlıq göstərən əsgər və zabitlərlə, qazilərlə, şəhidlərin ailə üzvləri ilə görüşlər keçirilib, onların həyat və mübarizə yolunu əks etdirən videoçarxlar nümayiş olunub. Eləcə də Zəfər Gününə həsr olunmuş yaradıcılıq müsabiqələri (rəsm, inşa, şeir, mahnı, əl işləri, videoçarx, təqdimat), intellektual oyunlar keçirilib. Zəfər Günü ilə bağlı Zəfər muzeyi, şagirdlərin və şəhid övladlarının əl işlərindən ibarət sərgilər təşkil olunub.
Təhsil ocağının 4 e ibtidai sinif rəhbəri Validə Alışovan təhsil ocağında şagirdlərin milli ruhda, vətənpərvər böyüməsinə xüsusi önəm verildiyini, tez-tez bu mövzuda tədbirlər keçirildiyini bildirib. Bizim indiki şagirdlərimiz də sabahın əsgərləri, zabitləridir. Məktəbimizdə bütün şəhidlərimizin əziz xatirəsini uca tuturuq, sinif otaqlarına qəhrəman şəhidlərimizin adı verilib.Şəhidlər xiyabanına tez-tez ziyarətə gedir, qəhrəmanlarımızı yad edirik. Bir neçə dəfə şagirdlərimizi Hərbi Qənimətlər Parkına ekskursiyaya da aparmışıq. Məktəblilərə hərtərəfli vətənpərvərlik ruhu aşılayırıq. Bu gün də “Şanlı tariximizin Zəfər günü” adlı tədbirimizi bir neçə hissədən ibarət təşkil etdik. Zəfər Günü xalqımızın ən əziz, xoşbəxt günüdür. Bu əlamətdar gün münasibətilə məktəb rəhbərliyi, müəllim kollaektivi adından xalqımızı təbrik edirəm. Bu günü şagirdlərə yüksək səviyyədə aşılamaq da bizim borcumuzdur. Vətənpərvərlik və Zəfərimizlə bağlı tədbirlərimiz bundan sonra da davam edəcək. Çünki belə tədbirlər şagirdlərimizin vətənpərvər ruhda böyüməsi üçün vacibdir”.
Məktəbdə Zəfər Günü münasibətilə baş tutan tədbir çərçivəsində 4 e sinifinin şagirləri əvvəlcə Saray qəsəbə Şəhidlər xiyabanını ziyarət edərək, igid qəhrəman şəhidlərimizin məzarları üzərinə tər qərənfillər düzərək, ruhlarını ehtiramla yad ediblər.
Şəhid Azər Salmanovun adına verilən 4 e ibtidai sinifdə 8 noyabr “Zəfər günü” barədə şagirlərə məlumat verən V. Alışova 44 gün Vətən müharibəsi zamanı Ali Baş komandan İlham Əliyevin rəhbərliyi ilə “Dəmir yumruq” əməliyyatının keçirilməsini, Azərbaycan ordusunun zabit və əsgərlərinin igidliyindən, qızıl hərflərə yazılan tariximizdən, 30 ilə yaxın düşmən tapdağında olan torpaqlarımızın azad olunraq, üç rəngli bayrağımızın dalğalanması barədə geniş məlumat verdi.
Tədbir məktəbin akt zalında davam edib. Azərbaycan Respublikasının Dövlət himni səslənib, Vətən müharibəsi şəhidləri bir dəqiqəlik sükutla yad olunub. Tədbirdə təhsil ocağının müəllimləri,şagirlər, valideyinlər, qəsəbə ictimayət nümayəndələri, KİV –in əməkdaşları iştirak ediblər.
Şagirlərin ifasında vətənpərvərlik ruhunda mahnılar, şerlər səslənib, müxtəlif səhnəciklər nümayiş olunub. Sonda Xırdlan informasiya agentliyi, “Xırdalan” qəzeti, Xirdalan.info.az, XırdalanTv yotube kanalının baş redaktoru Anar Nağıyev çıxış edərək “Şanlı tariximizin Zəfər günü “ adlı tədbirin hazırlanmasında əməyi, zəhməti olanlara öz təşəkkürünü bildirmiş, məktəb rəhbərliyini, müəllim kollektivini və şagirldəri “Zəfər günü” münasibətilə təbrik edərək, Şəhidlərimizə Allahdan rəhmət, qazilərimizə şəfa diləmişdir.
Tədbir alqışlarla yekunlaşıb.