Xəbər Lenti
17-04-2025, 12:58
Nazim Eynallı: Qurum əməkdaşları Şamaxı-Qonaqkənd yolunda fəaliyyətlərini davam etdirir
17-04-2025, 11:57
Məhkəmə Əvəz Zeynallının azadlığa buraxılması ilə bağlı müraciətə gələn həftə baxacaq
16-04-2025, 10:27
Azərbaycan Həmkarlar İttifaqları Konfederasiyası ilə STM arasında Memorandum imzalandı
16-04-2025, 10:13
Mərkəzi Asiya dövlətlərinin yunan Kiprinə səfir təyinatından vaxtında xəbəri olmayanlardan hesabat istəniləcək
16-04-2025, 09:57
Sahibkar Xəyalə İsmayılova "Uğur777" Klinikası barədə yayılan məlumatlara münasibət bildirdi
15-04-2025, 18:21
Son günlər Nəsimi rayonunda abadlıq qruculuq işləri rayon sakinlərini olduqca sevindirir - VİDEO+FOTOLAR
03 Noyabr 2022 09:02Manşet / Mədəniyyət
DTX-nin saxladığı nazir müavini bu gün işə çıxıb? - Yenilənib

Xəbər verdiyimiz kimi, noyabrın 1-də Dövlət Təhlükəsizliyi Xidməti (DTX) Mədəniyyət Nazirliyində xüsusi əməliyyat keçirib.
Bu barədə rəsmi açıqlama hələlik olmasa da, “Qafqazinfo” da daxil olmaqla, əksər media orqanlarında yayılan xəbərlərdə əməliyyat nəticəsində bir neçə yüksək vəzifəli məmurun, o cümlədən, nazirin birinci müavini Elnur Əliyevin də saxlanıldığı bildirilirdi. Həmin əməliyyatda saxlanılan Təchizat və əmlak şöbəsinin müdiri İlkin Nəsibov barəsində ötən gün artıq həbs qətimkan tədbiri seçilib.
Bu gün isə Oxu.az saytında nazirin birinci müavini E. Əliyevin iş başında olması haqda xəbər yayımlanıb.
Məlumatı dəqiqləşdirmək üçün Mədəniyyət Nazirliyinin mətbuat katibi Nuridə Allahyarova ilə əlaqə saxladıq. Nazirlik sözçüsü “Qafqazinfo”nun sorğusuna cavab olaraq nazir müavininin iş başında olduğunu nə təsdiq, nə təkzib edə bilib: “Nazir müavini niyə işdə olmamalıdır ki?! Bir dövlət qurumunun digər dövlət qurumunda qanunvericilik və səlahiyyətləri çərçivəsində əməliyyat aparmağa hüquqi ixtiyarı var. Burada qeyri-adi heç nə yoxdur. Bununla bağlı heç bir rəsmi açıqlama verilməyibsə, nazir müavininin işdə olmamasına da bir səbəb görmürəm. İşinin başında olmalı hər kəs işinin başındadır”.
Faktla bağlı istintaq davam etdirilir.
Xatırladaq ki, 1979-cu il təvəllüdlü E.Əliyev 2021-ci ildə mədəniyyət nazirinin birinci müavini vəzifəsinə təyin edilib. O, eyni zamanda Nizami Gəncəvi Beynəlxalq Mərkəzinin Himayəçilər Şurasının sədri vəzifəsini icra edib.
Saxlanılma xəbərləri ilə yanaşı, nazir müavininin şəxsi həyatı ilə bağlı da yerli mediada bəzi qalmaqallı məlumatlar yayılıb.
***
Elnur Əliyev bu gün işə çıxmayıb və o, DTX-nin keçirdiyi əməliyyat zamanı istintaqa cəlb olunub.