Xəbər Lenti
Dünən, 11:30
Gəncə Şəhər İcra Hakimiyyətinin Başçısı Niyazi Bayramov: “Dövlətə və Dövlətçiliyə Sədaqət Andı”
19-08-2025, 17:01
Məhəmədlidə qanunsuz tikilən evlər necə kreditlə satılır….Hansı məmur “makler”ləri himayə edir? -Videofakt
18-08-2025, 14:43
Azərbaycanda keçirilən “Beat the Heat Vol. IV” yay universiteti layihəsi uğurla yekunlaşıb
17-08-2025, 19:33
Kürdəmir Suvarma Sistemləri İdarəsinin rəisi Mobil Aşurov: “Su həyat mənbəyidir – həyatın özü deməkdir”
17-08-2025, 19:02
Qusar Rayon Mərkəzi Xəstəxanasının direktoru İmran Qurbanov: “ Peşəkarlıqla və fədakarlıqla yoğrulan yol”
TƏBİB sağlamlıq haqqında arayış alan valideynlərə müraciət edib
“Yeni tədris ilinin başlanılması ilə əlaqədar ümumtəhsil müəssisələrindən tələb olunan sağlamlıq haqqında arayışların verilməsi zamanı müraciətlərin çox olması səbəbindən tibb müəssisələrində sıxlıq müşahidə olunur. Hazırda növbə prinsipi əsasında arayışların verilməsi həyata keçirilir”.
Bu barədə TƏBİB-dən bildirilib.
Qeyd edilib ki, daha çox sıxlığın qeydə alındığı Abşeron Rayon Mərkəzi Xəstəxanasında 3 qeydiyyatçı, pediatr, nevropatoloq, oftalmoloq, cərrah, kardioloq olmaqla 17 həkim, rentgen və qan kabinetləri üzrə isə 7 tibb işçisi 1 000-dən çox müraciət üzrə xidmət göstərməkdədir.
Yaranan sıxlıqla əlaqədar Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri vəzifəsini icra edən Vüqar Qurbanov Abşeron Rayon Mərkəzi Xəstəxanasında olub, xidmətin təşkili ilə yerində maraqlanıb, irad və tövsiyələrini bildirib. Eyni zamanda, Vüqar Qurbanov Abşeron Rayon Mərkəzi Xəstəxanasının və TƏBİB-in aidiyyəti struktur bölmələrinin rəhbərlərinə tibbi xidmətin təşkili və çatışmazlıqların aradan qaldırılması ilə bağlı tapşırıqlar verib.
"Valideynlərdən müraciətin çox olmasını və arayışların verilməsi üçün uşaqların zəruri tibbi müayinələrdən keçmələrinin müəyyən zaman tələb etdiyini nəzərə alaraq məsələyə həssas yanaşmalarını və səbirli olmalarını xahiş edirik", - məlumatda deyilir.