Menu
Xəbər Lenti
PEŞƏKAR MRT OPERATORU
Bugün, 12:28

PEŞƏKAR MRT OPERATORU

Fədakar müəllim ömrü
18-05-2026, 17:50

Fədakar müəllim ömrü

Hərbdən sülhə
18-05-2026, 13:43

Hərbdən sülhə

MAFİA  tarixi
18-05-2026, 12:52

MAFİA tarixi

Kobaxidze Bakıdadır
18-05-2026, 11:41

Kobaxidze Bakıdadır

14 Avqust 2022 08:03Manşet / Siyasət

Pakistan Azərbaycanın regionda sabitliyə nail olmaq istəyini dəstəkləyir - səfir

Pakistan Azərbaycanın regionda sabitliyə nail olmaq istəyini dəstəkləyir - səfir

Pakistan Azərbaycanın regionda sabitliyə nail olmaq istəyini dəstəkləyir.

Bunu Pakistanın Azərbaycandakı səfiri Bilal Hayee Pakistanın müstəqilliyinin 75-ci ildönümünə həsr olunmuş tədbir çərçivəsində jurnalistlərə deyib.

Səfir bildirib ki, Azərbaycan ilə Pakistan arasında əlaqələr ən yüksək səviyyədə inkişaf edir və bir çox sahələri əhatə edir.

"Mən çox şadam ki, bu gün Pakistanın müstəqilliyinin 75-ci ildönümünün qeyd edilməsində Azərbaycandan olan çoxlu sayda dostlarımız da iştirak edir", - deyə səfir bildirib.

Onun sözlərinə görə, Pakistan və Azərbaycan iqtisadi əlaqələrin inkişafı üçün yeni perspektivlər açır.

"Hazırda Azərbaycan və Pakistan arasında 4 müntəzəm aviareys həyata keçirilir. Bir həftə ərzində minə yaxın pakistanlı Azərbaycana gəlir. Bu, Azərbaycanda turizmin inkişafına, həmçinin iki ölkə arasında yeni işgüzar əlaqələrin inkişafına töhfə verir", - deyə B.Hayee bildirib.

Səfir qeyd edib ki, Pakistan Azərbaycanın regionda sabitliyə nail olmaq istəyini dəstəkləyir.

"Azərbaycan regionda sabitliyə, sülhə və firavanlığa nail olmağa çalışır. Biz hesab edirik ki, sülhün alternativi yoxdur. Sülh təkcə qonşu ölkələr üçün deyil, bütün region və beynəlxalq ictimaiyyət üçün vacibdir", - deyə B.Hayee bildirib.

Pakistanın müstəqilliyin qeyd olunmasının 75-ci ildönümü şərəfinə ölkənin bayrağı təntənəli şəkildə qaldırılıb, Pakistan prezidentinin və baş nazirinin təbrik məktubları oxunub.