Vaqif Abdullayev: Türk Dövlətləri Təşkilatı son illərdə Avrasiya məkanında siyasi, iqtisadi və geostrateji təsir imkanlarını sürətlə artıran mühüm beynəlxalq platformalardan birinə çevrilib

•Bu prosesdə Azərbaycanın rolu xüsusi diqqət çəkir.

• Prezident İlham Əliyevin Türk dünyası ilə qardaşlıq əlaqələrini dərinləşdirən müdrik siyasi iradəsi sayəsində Mərkəzi Asiya ölkələri ilə, o cümlədən Qazaxıstanla əlaqələr strateji Zirvəyə daxil olub.

• İki il əvvəl, 2024-cü il iyulun 6-da Türk Dövlətləri Təşkilatının qeyri-rəsmi Zirvə görüşləri formatının ilk dəfə Azərbaycanın təşəbbüsü ilə Şuşada keçirilməsi Türk ölkələri ilə əlaqələrin genişləndirilməsi, TDT-nin gücləndirilməsində mühüm rol oynadı.

• Qarabağ Bəyannaməsinin qəbul edilməsi isə təşkilat daxilində ortaq siyasi baxışın formalaşması istiqamətində mühüm addım hesab oluna bilər.

• Eləcə də, ötən ilin oktyabr ayında Qəbələdə Türk Dövlətləri Təşkilatının Dövlət Başçıları Şurasının 12-ci Zirvə Görüşünün keçirilməsi Türk dünyasının həm siyasi yaxınlaşmasının, həm də ortaq strateji baxışının növbəti təsdiqi kimi qiymətləndirilir.

• Qəbələ Zirvə görüşü yalnız siyasi bəyanatların verildiyi platforma deyil, həm də konkret layihələrin, yeni təşəbbüslərin və ortaq strateji qərarların müzakirə olunduğu mühüm siyasi format kimi yadda qaldı.

• Cənab Prezident İlham Əliyev hər zaman bəyan edir ki, Türk Dövlətləri Təşkilatı dünya miqyasında güc mərkəzlərinin birinə çevrilməlidir. Çünki böyük coğrafi məkanı əhatə edən, müsbət demoqrafik dinamika müşahidə olunan və hərbi potensialını döyüş meydanlarında dəfələrlə göstərən türk dövlətləri həm də zəngin təbii resurslara, strateji nəqliyat körpülərinə malikdir.

• Müasir mərhələdə TDT qarşısında duran əsas vəzifələrdən biri təşkilat daxilində praktiki əməkdaşlıq mexanizmlərinin daha da gücləndirilməsidir.

• XXI əsr Türk dünyasının inkişafı əsri olmalıdır.

• Qazaxıstanın Türküstan şəhərində TDT Dövlət başçılarının qeyri-rəsmi Zirvə görüşünün keçirilməsi üzv dövlətlər arasında siyasi dialoq, iqtisadi əməkdaşlıq və regional layihələrin genişləndirilməsi baxımından yeni fürsətlər yaradacaq.

• Prezident İlham Əliyevin tədbirdə iştirakı və Sədrliyin Azərbaycana keçməsi TDT-nin institusional baxımından möhkəmlənməsində yeni dinamika qazandırır.