Pakistan müdafiə naziri: "Baş verənlər artıq bizimlə Əfqanıstan arasında açıq müharibədir"

Pakistanın müdafiə naziri Xavaca Məhəmməd Asif ölkəsinin Əfqanıstandakı "Taliban" hökuməti ilə açıq silahlı münaqişə vəziyyətində olduğunu bildirib.

Oxu.Az xəbər verir ki, bu barədə nazir sosial şəbəkə hesabında məlumat verib.

"Səbir kasamız dolub-daşır. Artıq bu, bizimlə Əfqanıstan arasında açıq müharibədir", - deyə nazir bildirib.

Nazir iki ölkənin qonşu olmasını nəzərə alaraq, Pakistan hərbçilərinin düşmənin zəif tərəflərini yaxşı bildiklərini də vurğulayıb.

Qeyd edək ki, dünən axşamdan Pakistan-Əfqanıstan sərhədində döyüşlər başlayıb. Pakistanın informasiya naziri Attaullah Tarar daha əvvəl Əfqanıstanın itkilərini açıqlayıb.

Habelə, Əfqanıstan Pakistanın təyyarəsini vurub.