Ukrayna prezidenti Aİ-yə üzvlük üçün konkret tarix tələb etdi

"Rusiya və Ukrayna münaqişənin sonuna yaxındır, lakin təhlükəsizlik zəmanəti olmadan atəşkəs ciddi risklər daşıyır".

Oxu.Az xəbər verir ki , bu barədə Ukrayna Prezidenti Volodimir Zelenski "Financial Times" qəzetinə verdiyi müsahibədə bildirib.

Onun sözlərinə görə, Kiyevin müvəqqəti atəşkəsə deyil, hərbi əməliyyatlara qəti son qoyulmasına ehtiyacı var.

"Ukraynanın ümumiyyətlə tam şəkildə atəşkəsə ehtiyacı var, lakin etibarlı razılaşmalar olmadan fasilə yeni təhdidlər yarada bilər",- deyə o bildirib və əlavə olaraq da Kiyevin qüvvələrini yenidən qruplaşdırmaq üçün mümkün atəşkəsdən istifadə edə biləcəyi iddialarını rədd edib.

Prezident, həmçinin Avropa İttifaqını Ukraynanın üzvlüyü üçün konkret bir tarix təyin etməyə çağırıb. O, bunun 2027-ci ildə baş verəcəyinə inandığını bildirib.