“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
Qax RİH-nin başçısı Elvin Paşayev: 17 NOYABR – MİLLİ DİRÇƏLİŞ GÜNÜ, TARİXİ YADDAŞDAN MÜASİR AZƏRBAYCANIN QÜDRƏTİNƏ DOĞRU
Yazı makinasından süni intellektə: Azərbaycanda özəl tibbin və tibbi maarifləndirmənin ilk şahidi – Dr. Davud Qüdrətovun xatirələri
İcbari sığorta müqavilələri üzrə bildirişlər artıq “mygov” vasitəsilə də təqdim olunur
Vətənpərvər iş adamı Eldəniz Zeynalov: 17 NOYABR – MİLLİ DİRÇƏLİŞ GÜNÜ: XALQIN TARİXƏ YAZDIĞI AZADLIQ SALNAMƏSİ!
Biznes xərclərindən də millər qazandıran “ABB AZAL Miles Business” kartları təqdim olundu
Lənkəran ŞİH başçısı Taleh Qaraşov: MİLLİ DİRÇƏLİŞ GÜNÜ – AZƏRBAYCANIN MÜSTƏQİLLİK YOLUNDA MİLLİ İRADƏNİN VƏ TARİXİ QƏTİYYƏTİN TƏNTƏNƏSİ
Gələcəyin şəhərlərinə gənclərdən innovativ baxış: “İnsanyönümlü şəhərlər” hakatonu başa çatıb
Azərbaycan Avropanın yaşıl enerji gələcəyinin etibarlı tərəfdaşlarından biri olacaq
HEYDƏR ƏLİYEV AZƏRBAYCAN DÖVLƏTÇİLİYİNİN MEMARI VƏ MİLLİ LİDERİ
Azərbaycan xalqı 12 dekabrı Ulu öndər Heydər Əliyevin anım günü kimi dərin sevgi və minnətdarlıq hissi ilə qeyd edir. Tarixə öz adını əbədi həkk etmiş nadir şəxsiyyətin, qüdrətli siyasi xadimin həyat və fəaliyyəti hər bir Azərbaycan vətəndaşının qürur mənbəyidir. Bütün xalqların milli azadlıq və istiqlaliyyət tarixində onun xilaskarı olan dahi şəxsiyyətlər olmuşdur. Bu insanlar öz qətiyyətləri ilə mənsub olduqları xalqı öz arxalarınca aparıb, taleyüklü məqamlarda xalqı qoruya bilmişlər.
Azərbaycan xalqının Ümummilli lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşmüşdür. Heydər Əliyevin həyat yolu yüksək insani-əxlaqi keyfiyyətləri özündə təcəssüm etdirən nümunəvi məktəbdir. Onun ölkəmizə rəhbərlik etdiyi illər tariximizə intibah, milli tərəqqi, milli oyanış, nəhayət, müstəqil dövlət quruculuğu dövrü kimi daxil olub.
Heydər Əliyev Azərbaycan tarixində silinməz iz qoymuş, ölkənin siyasi, iqtisadi, sosial və mədəni inkişafında müstəsna rol oynamış nadir şəxsiyyətlərdən biridir. Onun siyasi fəaliyyəti və rəhbərliyi Azərbaycanın müstəqilliyinin qorunması və möhkəmləndirilməsi baxımından əvəzolunmazdır.
Heydər Əliyevin siyasi fəaliyyəti 1969-cu ildə Azərbaycan KP MK-nın birinci katibi seçilməsindən başlamışdır. Sovet dönəmində milli-mədəni inkişafın təməli qoyulmuş, təhsil, elm, sənaye və kənd təsərrüfatında mühüm nailiyyətlər əldə edilmişdir. 1982-ci ildə SSRİ Nazirlər Soveti sədrinin birinci müavini kimi çalışmış və ümumittifaq miqyasında da nüfuzlu dövlət xadimi kimi tanınmışdır.
1990-cı illərdə ölkənin ən ağır siyasi və sosial böhran dövründə xalqın təkidi ilə yenidən hakimiyyətə qayıdan Heydər Əliyev, Azərbaycanın dağılmaq təhlükəsini aradan qaldırdı, sabitliyi və inkişafı təmin etdi. 1994-cü ildə imzalanan “Əsrin müqaviləsi” onun neft strategiyasının parlaq nümunəsi olmuşdur.
Heydər Əliyev müstəqil Azərbaycanın əsas memarı kimi dövlət quruculuğunun bütün sahələrində köklü islahatlar aparmışdır. Konstitusiyanın qəbul olunması (1995), milli ordu quruculuğu, hüquqi dövlətin əsaslarının yaradılması və beynəlxalq əlaqələrin genişləndirilməsi onun fəaliyyətində mühüm yer tutmuşdur.
Heydər Əliyev Azərbaycan xalqının milli-mədəni irsinə daim diqqətlə yanaşmış, gənclərin vətənpərvər ruhda tərbiyəsi, təhsilin inkişafı və savadlı kadrların yetişməsi üçün mühüm tədbirlər görmüşdür. “Mən fəxr edirəm ki, azərbaycanlıyam!” deyimi onun xalqına olan sevgisinin simvoluna çevrilmişdir.
Heydər Əliyevin siyasi irsi bu gün də müasir Azərbaycan dövlətinin inkişafında əsas istiqamət kimi qalır. Onun müəyyən etdiyi strateji xətt Prezident İlham Əliyev tərəfindən uğurla davam etdirilir. Heydər Əliyev həm siyasi lider, həm də əsl xalq adamı kimi yaddaşlarda yaşayır və yaşayacaq. Onun anım günü Azərbaycan xalqı tərəfindən dərin ehtiramla qeyd olunur.
Həcər Emin qızı Hüseynova
ADPU, filologiya fakültəsi, Azərbaycan dilçiliyi kafedrası;
MMU HETİ Humanitar Şöbə;
f.e.d.,professor.
Pezident təqaüdçüsü, yazıçı-publisist,
“Zəfər”, “Nizami Gəncəvi-880””Azərbaycan xanımı” media mükafatları laureatı,
“Zirvədəki azərbaycanlılar” kitabının redaktoru























































