“Yaxın vaxtlarda bu haqda qərar veriləcək”
Ukrayna Prezidenti Volodimir Zelenski istefa verən Andrey Yermakın yerinə prezident aparatının yeni rəhbərinin təyin edilməsi ilə bağlı qərarın yaxın vaxtlarda veriləcəyini bildirib.
“Qafqazinfo” xəbər verir ki, o bu barədə teleqramda axşam videomüraciətində danışıb.
Zelenski deyib ki, cümə axşamı, dekabrın 4-də bu vəzifəyə namizədlərlə əlavə görüşlər keçirib.
“Yaxın vaxtlarda yeni ofis rəhbəri ilə bağlı qərar veriləcək”, - o vurğulayıb.
Xatırladaq ki, Yermak korrupsiya qalmaqalından sonra tutduğu vəzifədən istefa verib və Ukrayna lideri Volodimir Zelenski onun istefa ərizəsini qəbul edib. Daha sonra Xarkov vilayətinin Hərbi-mülki Administrasiyasının Daxili İşlər İdarəsi ona qarşı cinayət işi açıldığı barədə məlumat yayıb.
