London derbisi sülhlə yekunlaşdı

Futbol üzrə İngiltərə Premyer Liqasında XIII tura yekun vurulub.

“Qafqazinfo” xəbər verir ki, turun mərkəzi oyununda “Çelsi” öz meydanında “Arsenal”ı qəbul edib. London derbisi 1:1 hesablı heç-heçə ilə yekunlaşıb.

Meydan sahiblərinin heyətində Trevo Çaloba, qonaqlardan isə Mikel Merino fərqlənib.

Turun digər görüşlərində “Mançester Yunayted” “Kristal Pelas”a (2:1), “Fulhem” “Tottenhem”ə (2:1), “Liverpul” “Vest Hem”ə (2:0), “Aston Villa” “Vulverhempton”a (1:0), “Brayton” isə “Nottingem Forest”ə (2:0) qalib gəlib.

Qeyd edək ki, hazırda turnir cədvəlinə 30 xalla “Arsenal” başçılıq edir. “Mançester Siti” 25 xalla 2-ci, “Çelsi” 24 xalla 3-cüdür.