Ukraynada seçkilər nə vaxt keçiriləcək? - Zelenski açıqladı

“Ukraynada prezident seçkiləri müharibə başa çatdıqdan və hərbi vəziyyətin ləğvindən sonra keçiriləcək”.

“Qafqazinfo” xarici mətbuata istinadən xəbər verir ki, bunu Ukrayna Prezidenti Volodimir Zelenski brifinqdə deyib.

“Heç kim heç nəyi təxirə salmayacaq. Biz ilk addımlara diqqət yetirməliyik ki, sükut olsun”, - deyə Ukrayna lideri qeyd edib.

Zelenski vurğulayıb ki, müharibə bitdikdən sonra hərbi vəziyyət aradan qaldırılacaq, bundan sonra Ukrayna qanunvericiliyinə uyğun olaraq seçkilər keçiriləcək.