AVMVİB-nin kollektivi Ulu Öndər Heydər Əliyevin 102 illik Yubileyi münasibəti ilə Fəxri xiyabanı ziyarət ediblər.
Azərbaycan Respublikasının Əməkdar Mədəniyyət işçisi. Zöhrə Adgözəlovanın doğum günüdür.
Tarixi şəxsiyyət, Əbədiyaşar liderimiz, Ulu Öndərimiz Heydər Əliyevi dərin hörmət və ehtiramla anırıq-Könül Nəbizadə
Pərvanə Mirzə qızı İmamquliyeva: “ Heydər Əliyev – adını tarix yazdı, qəlblərə həkk olundu”.
“Böyük Qayıdış” Gənclər Təşkilatı Ulu Öndərin anadan olmasının 102-ci ildönümü əlaqədar silsilə tədbirlər keçirib
Lənkəran Şəhər İcra Hakimiyyətinin başçısı Taleh Qaraşov: "Heydər Əliyev Fəlsəfəsi- Güclü Dövlət, Firavan Xalq".
İş adamı Cəbrayıl Cəbrayılov: “Heydər Əliyev yolu Azərbaycanın inkişaf və qalibiyyət yoludur!”
Bakı şəhəri 14 nömrəli tam orta məktəbin direktoru Rəfail Hüseynov: “Heydər Əliyev və çağdaş Azərbaycan təhsili”
Xeyriyyəçi, vətənpərvər xanım Zərniyar Kərimova: “Heydər Əliyev və Azərbaycan qadını – Qürur və inamın təcəssümü”
Gəncə Şəhər Baş Polis İdarəsinin rəisi Polis general-mayoru Teymur Hacıyev: “Heydər Əliyev və Azərbaycan polisi”
Bioloji Təbabət-İnteqrativ Sağlamlıq Mərkəzinin rəhbəri Elxan Yaqubov: “Heydər Əliyev – Müasir Azərbaycan səhiyyəsinin memarı”
Mediland hospital kardiologiya şöbəsinin müdiri, İntervensiyon kardioloq Dr. Vüqar Zamanov: "Ulu Öndər Heydər Əliyevin səhiyyə sahəsindəki irsi".
5 saylı şəhər xəstəxanasının baş həkimi Fazil Alməmmədov: “Ulu Öndər Heydər Əliyev – çağdaş səhiyyəmizin banisi”
Ulu Öndər H.Əliyevin anadan olmasının 102-ci ildönümündə AAYDA-nın idarə heyətinin sədri Saleh Məmmədovun tapşırığı və dəstəyi ilə Şamaxıda park salınır
Məryəm müəllimin əziz xatirəsinə... Sayğı, Sevgi, Ehtiramla...
İlk müəllim unudulmazdır. Onun səsi, şəfqəti, gülər üzü, verdiyi biliklər insanın həyatında silinməz izlər buraxır. Məryəm Novruzova da məhz belə müəllimlərdən idi. O, uzun illər Bakı şəhəri, Nəsimi rayonu, 54 nömrəli tam orta məktəbdə ibtidai sinif müəllimi kimi çalışıb, yüzlərlə şagirdin təlim-tərbiyəsinə öz töhfəsini verib. Lakin onun həyatı faciəli şəkildə sona çatdı. Bu acı xəbər onu tanıyan hər kəsi sarsıtdı.
Məryəm müəllimə uşaqları sevən, onlara qayğı ilə yanaşan bir pedaqoq idi. O, sadəcə dərs keçməklə kifayətlənməzdi, hər bir şagirdinə fərdi yanaşar, onların problemlərini dinləyər və həll etməyə çalışardı. Valideynlər də Məryəm müəlliməyə güvənirdilər, çünki bilirdilər ki, övladları etibarlı bir əllərdədir. O, ilk sinifə qədəm qoyan uşaqları elə böyük məhəbbətlə qarşılayardı ki, məktəbi sevdirər, onlarda öyrənmək həvəsi yaradar, onların gələcək uğurlarının təməlini qoyardı.
Məryəm müəllimə yalnız şagirdləri deyil, həm də məktəb kollektivi tərəfindən sevilən, hörmət bəslənilən bir insan idi. O, pedaqoji heyət arasında nümunəvi müəllim kimi tanınırdı. Onun təcrübəsi və pedaqoji bacarığı gənc müəllimlər üçün də örnək idi. Məktəbdə təşkil olunan tədbirlərin fəal iştirakçısı olmaqla yanaşı, həmkarlarına da dəstək olurdu. Onun sinfi həmişə yüksək nəticələr göstərirdi, şagirdləri müxtəlif müsabiqələrdə, olimpiadalarda uğurlar qazanırdılar.
Məryəm Novruzovanın faciəli ölümü onu tanıyan hər kəsi dərin kədərə qərq etdi. Belə fədakar bir müəllimin zamanından tez həyatdan köçməsi həm məktəb kollektivinin, həm valideynlərin, həm də şagirdlərinin ürəyində dərin bir boşluq yaratdı. Onun mehriban gülüşü, fədakar əməyi, xeyirxah əməlləri daim xatırlanacaq.
Bu gün Məryəm müəllimə fiziki olaraq aramızda olmasa da, onun yetirdiyi yüzlərlə şagird onun adını yaşadacaq. Onun işığı, verdiyi biliklər və şagirdlərinin uğurları onun ən böyük mirasıdır. Məktəbin divarları arasında onun adı həmişə hörmət və sevgi ilə yad ediləcək.
Onun üçün ən böyük qiymət, öyrətdiyi uşaqların savadlı, vətənə layiqli vətəndaşlar kimi yetişməsidir. Məryəm müəllimə ömrünü fidanlarımızın təhsilinə həsr etdi və o, şagirdlərinin, həmkarlarının, bütün onu tanıyan insanların qəlbində əbədi yaşayacaq.
Allah rəhmət eləsin!
Fərid Faiqoğlu
“Xezertv.info”-nun baş redaktoru
Azərbaycan Jurnalistlər Birliyinin üzvü