“Shirvan OC Ltd” Şirkəti Həmkarlar İttifaqı Komitəsinin sədri Taleh Məmmədov: “Müəllimlər cəmiyyətin və xalqın nur mənbəyidir”
Bakı şəhəri 14 nömrəli tam orta məktəbin direktoru Rəfail Hüseynov: “Müəllimlər cəmiyyətin ən dəyərli simalarıdır”
Lənkəran rayonu M.H.Mirzəcanov adına Yuxarı Nüvədi kənd tam orta məktəbdə 5 Oktyabr – Beynəlxalq Müəllimlər Günü münasibətilə tədbir keçirilib
S.C.Pişəvəri adına Respublika Humanitar Fənlər Gimnaziyasında 5 Oktyabr - Beynəlxalq Müəllimlər Günü təntənəli şəkildə qeyd olundu - FOTOLAR
Zəngilan rayonu Vətən Müharibəsi Qəhrəmanı Surxay Noçuyev adına 1 nömrəli tam orta məktəbin direktoru Vüsalə Hüseynova: “Peşəkar pedaqoq, əsl ziyalı”
Premyer Liqada yeni dövr - Amorim “Yunayted”ə gəlir
İngiltərənin “Mançester Yunayted” komandasının yeni baş məşqçisi məlum olub.
“Qafqazinfo” xəbər verir ki, bu barədə tanınmış insayder Fabrizio Romano məlumat yayıb.
Onun sözlərinə görə, “qırmızı-şeytanlar”a hazırda Portuqaliyanın “Sportinq” ( Lissabon) komandasının sükanı arxasında olan Ruben Amorim başçılıq edəcək. Klublar təzminat məbləği ilə bağlı danışıqları davam etdirirlər.
Amorim Avropa nəhənglərinin hədəfində olan mütəxəssisdir. Onun namizədliyi “Barselona” (Xavi gedəndən sonra) və “Liverpul” (Klopp komandanı tərk etməmişdən əvvəl) tərəfindən ciddi şəkildə nəzərdən keçirilib, eləcə də “Çelsi” onun təyinatı ilə bağlı danışıqlar aparıb.
Bundan əlavə, bildirilir ki, “Mançester Siti” gələn il Amorimi Pep Qvardiolanın varisi olaraq düşünürdü.
Qeyd edək ki, 39 yaşlı Amorim 2020-ci ilin martından “Sportinq”də işləyir. O, komandası ilə 2 dəfə Portuqaliya çempionluğunu, 2 dəfə ölkə kuboku və 1 dəfə ölkə Superkubokunu qazanıb.
Xatırladaq ki, “Mançester Yunayted” ötən gün niderlandlı mütəxəssis Erik ten Haqla yollarını ayırıb. Komanda müvəqqəti olaraq Ruud Van Nistelroya tapşırılıb.
