Botanika İnstitutu İsveçrə Federal Tədqiqatlar İnstitutu ilə mikologiya sahəsində elmi əlaqələri genişləndirir
Ailə məcəlləsinə edilmiş son dəyişikliklər, qohum evliliklərinin və erkən nikahların qarşısı alınması
ZALOV İMZA TV ALYANS’IN TƏSİSÇİSİ ( BEYNƏLXALQ HÜQUQ EKSPERTİ ) İSMAYIL ZALOV’UN XÜSUSİ BƏYANATI
Bakı şəhəri, Nəsimi rayon Mənzil Kommunal Təsərrüfatı Birliyinə rəisi Nizami Mayılov yüksək idarəçilik qabiliyyətinə malik məmurdur və peşəkarlıq nümayiş etdirir.
Azərbaycan Avtomobil Yolları Dövlət Agentliyinin İdarə heyətinin sədri Saleh Məmmədov: Yol infrastrukturunun təməli Ulu Öndər Heydər Əliyev tərəfindən qoyulub.
Sabunçu rayon xəstəxanası Nurəngiz Bəşirova şəfalı əllər sahibi, Hipokrat andına sadiqlik
Sabiq məmurun oğlu azadlığa buraxıldı
Hesablama Palatasının Dövlət investisiyalarının auditi şöbəsinin sabiq müdiri Bəhram Abbasovun oğlu, “Konstra” MTK-nın təsisçisi və sədri Bəsrət Abbaslı azadlığa buraxılıb.
“Qafqazinfo”nun əldə etdiyi məlumata görə, Bakı Apellyasiya Məhkəməsi B.Abbaslı barəsindəki hökmü dəyişib. O, dünən məhkəmə zalından azadlığa buraxılıb.
Həmçinin B.Abbaslı və atasına məxsus əmlaklar üzərinə qoyulmuş həbs qərarı da götürülüb. Sözügedən əmlakların bir neçə milyon manat dəyərinin olduğu bildirilir.
Xatırladaq ki, Bakı Ağır Cinayətlər Məhkəməsinin ötən ilin dekabrında çıxardığı hökmə əsasən, MTK-nın direktoru Dilafir Rəsulov və əməkdaşı Tahir Əliyev də təqsirli bilinib. D.Rəsulov və T.Əliyev Cinayət Məcəlləsinin 178.4-cü (dələduzluq-xüsusilə külli miqdarda zərər vurmaqla) və 308.2-ci (vəzifə səlahiyyətlərindən sui-istifadə), B.Abbaslı isə yalnız 303.2-ci maddəsi (müsadirə edilməli olan əmlakı gizlətmə və ya mənimsəmə, habelə əmlakın müsadirə olunması barədə məhkəmənin qanuni qüvvəyə minmiş hökmünün icra olunmasından başqa cür yayınma) ilə ittiham edilirdi. Onlar zərərçəkmiş şəxslərdən pul alsa da, ev verməyib, pulu öz maraqları üçün xərcləyiblər.
Əvvəlki hökmə əsasən, D.Rəsulov 13 il 6 ay, T.Əliyev 13 il, B.Abbaslı 1 il 6 ay müddətə azadlıqdan məhrum edilmişdi. İstintaq dövründə zamində olan B.Abbaslı məhkəmə zalında həbs olunmuşdu.
Qeyd edək ki, “Konstra MMC” şirkəti ilə əlaqədar uzun müddətdir narazılıqlar var. Məsələ ilə bağlı açıqlama verən Bəsrət Abbaslı bildirmişdi ki, atası Bəhram Abbasovun qanuni olaraq şirkətə aidiyyəti yoxdur. Onun sözlərinə görə, sadəcə cavan olduğu üçün əksər görüşlərə atasını da aparıb.