Səlis Danışıq Nitq Və Psixalogiya Akademiyasının Sumqayıt Filialında Bir Neçə Nəfər Qarabağ Qazisi Ilə Görüş Keçirilib

Xəbəral.az xəbər verir ki, Səlis Danışıq Nitq Və Psixalogiya Akademiyasının Sumqayıt Filialında Sumqayıtda yaşayan Qazilərin bir neçəsi ilə görüş keçirilib.

Görüşün məqsədi Azərbaycan dövlətinin Şəhid Ailələri və Qarabağ Qazilərinə göstərdiyi qayğı ilə yanaşı onların problemləri ilə yaxından maraqlanmaq, övladlarına, özlərinə psixoloji həmçinin Loqopedik xidmətləri təmənnasız gostərməkdir.

Səlis Danışıq Nitq Və Psixalogiya Akademiyasının direktoru tanınmış Loqoped-Defektoloq Xavər Abdullayeva Qazilərimizlə söhbəti zamanı Akademiyanın yeni istifadəyə verilmiş Sumqayıt filialı ilə bağlı geniş məlumat verib.

Xəvər xanım söhbəti zamanı qeyd edib ki, Səlis Danışıq və Psixologiya Akademiyası 18 ildir fəaliyyət göstərir. Bu illər ərzində hər zaman dövlətimizin apardığı siyasətə dəstək olaraq, hər zaman Şəhid ailələrinin və eləcə də Qarabağ qazilərinin yanında olub.

Bundan sonra da onlara təmənnasız xidmət göstərilməsi üçün hər bir şəraitin olduğunu qeyd edib.

Bu gün həmçinin cənab prezident İlham Əliyev Şəhid Ailələrinə və Qarabağ Qazilərinin həyat yaşayışlarının yaxşılaşdırılması üçün əlindən gələni edir. Məhz prezident İlham Əliyevin uğurlu siyasəti, Şəhidlərimizin, Qazilərimizin qanı bahasına 30 illik Qarabağ həsrətimizə son qoyuldu.

Xatırladaq ki, tədbirdə Səlis Danışıq Nitq Və Psixalogiya Akademiyasının Sumqayıt Filialının rəhbəri Zəhra Aslanova, elə də də akademiyanın mətbuat xidmətinin rəhbəri Mirismayıl Xələfli də iştirak edib.

Tədbirlə bağlı geniş videonu sizlərə təqdim edirik:

Xəbəral.az