Rusiyada boşanmaların sayı sürətlə artır

Rusiyada boşanmaların sayı ardıcıl üç ildir ki, artır.

2020-ci ildə 564 033, 2021-ci ildə isə artıq 644 207 cütlük boşanıb. Ötən 2022-ci ildə 683 111 ailə boşanmaq qərarına gəlib.

Amma 2023-cü il bu rekordu qıra bilər. Belə ki, ilk 7 ayda təxminən 400 min boşanma qeydə alınıb.

Bu barədə Rosstat rəsmi məlumat yayıb.

Sorğulara əsasən, rusiyalıların 33%-i yoxsulluq, 15%-i qarşılıqlı anlaşmanın olmaması, 14%-i isə xəyanət və qısqanclıq ucbatından boşanır.

Mənbə: Oxu.Az