“Turan Tovuz”un yoxlama oyunlarındakı rəqibləri bəlli olub

Turan Tovuz" klubunun futbolçuları mövsümün ikinci hissəsinə hazırlıq məqsədilə yanvarın 3-də Bakıda bir araya gələcək.

AZƏRTAC kluba istinadla xəbər verir ki, komanda yanvarın 7-də Antalyaya yola düşəcək. Komandanın hazırlıq çərçivəsində keçirəcəyi yoxlama oyunlarının tarixləri və rəqibləri də bəlli olub. Belə ki, ilk olaraq yanvarın 9-da “Turan Tovuz” Rumıniyanın “Petrolul” klubu ilə qarşılaşacaq. Ayın 13-də baş məşqçi Ayxan Abbasovun yetirmələri İsveçrənin “Aarau” komandası ilə oyunda güclərini sınayacaqlar. Antayla təlim-məşq toplanışında sonuncu oyun isə yanvarın 17-də Polşa “Qurnik”inə (Zabrje) qarşı olacaq.

Komanda yanvarın 18-də hazırlığı başa vuraraq Vətənə dönəcək.