“Sabah” avrokuboklarda debüt oyununa çıxır - AFİŞA

Bu gün UEFA Konfrans Liqasında II təsnifat mərhələsinə start veriləcək.

Oxu.Az xəbər verir ki, Azərbaycan təmsilçilərindən “Sabah” da ilk oyununu keçirəcək.

Murad Musayevin baş məşqçisi olduğu kollektiv Latviyada RFŞ-lə üz-üzə gələcək. Bu, paytaxt təmsilçisinin avrokuboklarda debüt oyunu olacaq.

Qarşılaşma Bakı vaxtı ilə saat 20:00-da başlayacaq.

Qeyd edək ki, tərəflər arasındakı cavab görüşü bir həftə sonra “Bank Respublika Arena”da təşkil olunacaq.

Xatırladaq ki, Azərbaycanın digər Konfrans Liqası iştirakçıları - “Qəbələ” və “Neftçi” ilk matçlarını iyulun 27-də keçirəcəklər. “Qırmızı-qaralar” evdə Kiprin “Omoniya” klubunu qəbul edəcəklər, “ağ-qaralar” Bosniya və Herseqovinada “Jelezniçar”ın qonağı olacaqlar.

UEFA Konfrans Liqası

II təsnifat mərhələsi

26 iyul

RFŞ (Latviya) -  “Sabah” (Azərbaycan)

Yurmala. Sloka stadionu