"Könül dostum" xeyriyyə aksiyası Qurban bayramı münasibətilə şəhid ailələri və müharibə qazilərini ziyarət edib

"Könül dostum" xeyriyyə aksiyasının rəhbərliyi bu gün Qurban bayramı münasibətilə Yasamal rayonunda Şəhid ailələri və Qarabağ müharibəsi qazilərini ziyarət edib.

11 iyul 2022 ci il tarixində İctimai əsaslarla fəaliyyət göstərən "Könül dostum" xeyriyyə aksiyası bu dəfə Yasamal rayonunnun ərazisində Müsəlmanların müqəddəs bayramlarından olan Qurban bayramı münasibətilə Vətən müharibəsi qazilərin bir qrupu ilə görüşüb.

Əvvəlcə Aksia iştirakçıları Birinci və İkinci Qarabağ müharibələrində şəhid olan Yasamal rayon sakinlərinin əziz xatirəsinə həsr olunan memorial kompleksini ziyarət edərək, memorial kompleksin qarşısına tər qərənfillər düzərək, şəhidlərin ruhunu dərin ehtiramla yad ediblər.

Xeyriyyə aksiyasında Yasamal rayonunda yaşayan şəhid ailələri və igid qazimizlə görüşən YAP Yasamal rayonu AMEA Fiziologiya İnstitutu üzrə ərazi partiya təşkilatının sədri hörmətli Könül İbrahimova 44 gün zamanında Ali Baş Komandan İlham Əliyev cənablarının rəhbərliyi ilə "Dəmir yunuruq" əməliyyatında Azərbaycan ordusunun zabit, əsgər heyyətinin, gənc könüllülərin qəhrəmanlığı sayəsində 30 ilə yaxın düşmən işğalında olan torpaqlarımızın azad olmasından, xalq iqtidar birliyindən danışaraq, Qarabağ Azərbaycandır! şüarı altında birləşərək üç rəngli bayrağımızı Vətən torpaqlarında dalğalanmasını, Vətən müharibəsində tarix yazan, qəhrəman şəhidlərimizdən, igid Qazilərimizin vətənpərvərliyin diqqətə çatdırdı. K. İbrahimova respublikamızın gşhır yerində olduğu kimi Yasamal rayonunda da Şəhid ailələrinə, Qarabağ qazilərinə diqqət və qayğının yüksək şəkildə təşkil olunduğunu bildirərək, "Könül dostum" xeyriyyə aksiyasının yaranması və fəaliyyətinin məhz bu istiqamətə hesablandığın vurğuladı.

Xeyriyyə aksiyasında şəhid ailələrinə və Qarabağ müharibəsi vetranlarına və qazilərinə Qurban bayramı münasibətilə sovqatlar təqdim olunub.

Qeyd edək ki, görüşdə Azərbaycan Vətən Müharibəsi Veteranları ictimai birliyinin Yasamsl rayon şöbəsinin sədri, Dəniz Xüsusi Teyinatlısı, ikinci qrup Qarabağ əlili, istefada olan mayor Salman Hüseynov, Demiryumruq.az baş redaktoru, hüquqşünas-jurnalist Anar Nağıyev və aksiya üzvləri iştirak ediblər.

Qeyd edək ki, növbəti xeyriyyə aksiyaları rayonun digər ünvanlarında davam edəcək.