Azərbaycanda 47 nəfər COVID-19-a yoluxub, 2 nəfər vəfat edib

Azərbaycanda koronavirus (COVID-19) infeksiyasına 47 yeni yoluxma faktı qeydə alınıb, 49 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 2 nəfər vəfat edib.

Azərbaycanda indiyədək ümumilikdə 791 979 nəfər koronavirus infeksiyasına yoluxub. Onlardan 781 938 nəfər müalicə olunaraq sağalıb, 9 694 nəfər vəfat edib, aktiv xəstə sayı 347 nəfərdir.

Ölkədə son sutka ərzində 4 339, hazırkı dövrədək isə 6 706 012 test aparılıb.