Vətənpərvər iş adamı Eldəniz Zeynalov: 17 NOYABR – MİLLİ DİRÇƏLİŞ GÜNÜ: XALQIN TARİXƏ YAZDIĞI AZADLIQ SALNAMƏSİ!
Biznes xərclərindən də millər qazandıran “ABB AZAL Miles Business” kartları təqdim olundu
Gələcəyin şəhərlərinə gənclərdən innovativ baxış: “İnsanyönümlü şəhərlər” hakatonu başa çatıb
SƏFƏRALİYEV QANBOY ƏHMƏDALI OĞLU – LAÇININ ALXASLI KƏNDİNİN VƏTƏN NAMİNƏ ŞƏHİDLİK ZİRVƏSİNƏ UCALAN İGİD OĞLU!
Əsabil Qasımov 5 milyonluq əmlakı ələ keçirib, indi də sahibini və mətbuatı susdurmağa çalışır
BDYPİ-nin YPX Alayının 7-ci tağımının post komandiri Süleyman müəllim– “Dövlətə və dövlətçiliyə sədaqət andı”
“Qurultay bütün türk dünyası üçün mühüm əhəmiyyət daşıyır”
Bakıda Birinci Türkoloji Qurultayın 100 illiyinə həsr olunmuş “Türk Dünyası Həftəsi”nin ikinci gününün açılışında mədəniyyət naziri Adil Kərimli çıxış edib.
“Qafqazinfo” xəbər verir ki, nazir Birinci Türkoloji Qurultayın 100 illiyinin təkcə Azərbaycan üçün deyil, bütün türk dünyası üçün mühüm əhəmiyyət daşıdığını bildirib.
O qeyd edib ki, yubiley tədbirlərində müxtəlif ölkələrdən alimlərin, ziyalıların və rəsmi nümayəndələrin iştirakı Qurultayın ortaq elmi və mədəni irs kimi qəbul edildiyini bir daha təsdiqləyir.
Nazirin sözlərinə görə, müxtəlif ölkələrdən alimlərin, ziyalıların və rəsmi nümayəndələrin iştirakı bu yubileyin beynəlxalq miqyasını və ortaq dəyərini bir daha nümayiş etdirir.
A.Kərimli qeyd edib ki, Azərbaycan Prezidenti tərəfindən yubileyin dövlət səviyyəsində qeyd olunması ilə bağlı irəli sürülən təşəbbüs bu tarixi hadisəyə verilən yüksək siyasi və mənəvi qiymətin göstəricisidir. O vurğulayıb ki, il ərzində Birinci Türkoloji Qurultayın 100 illiyi münasibətilə silsilə elmi və mədəni tədbirlər həyata keçirilir.
Mədəniyyət naziri bu tədbirlərin təşkilində əməyi olan Azərbaycan Milli Elmlər Akademiyasının rəhbərliyinə, alimlərə və təşkilatçılara təşəkkürünü ifadə edib. O bildirib ki, yubiley ilinin ilk böyük tədbirlərindən biri məhz AMEA tərəfindən təşkil olunub və bu, il ərzində keçiriləcək layihələr üçün uğurlu başlanğıc olub.
Nazir çıxışında vurğulayıb ki, türk dövlətlərinin rəhbərlərinin yubileylə bağlı göndərdikləri təbrik məktubları Birinci Türkoloji Qurultayın irsinə verilən yüksək siyasi dəyərin göstəricisidir. Onun sözlərinə görə, Azərbaycan dövləti bu tarixi irsin qorunmasına və gələcək nəsillərə çatdırılmasına daim xüsusi diqqət göstərir.
A.Kərimli qeyd edib ki, Birinci Türkoloji Qurultay təkcə elmi hadisə deyil, həm də bütün türk xalqlarını ortaq dil, tarix və mədəniyyət ətrafında birləşdirən mühüm platformadır. O bildirib ki, bu dəyərlərin yaşadılması və gələcək nəsillərə ötürülməsində alimlərin və ziyalıların rolu əvəzsizdir.
Çıxışının sonunda nazir yubiley çərçivəsində keçirilən tədbirlərin yüksək səviyyədə təşkil olunduğunu vurğulayıb.
Lamiyə Məmmədova























































