Müsəlman Şərqin ilk demokratik, hüquqi, dünyəvi parlament respublikası

Azərbaycan xalqının tarixində əlamətdar günlərdən biri 28 May Azərbaycan Xalq Cumhuriyyətinin yaranması günüdür. Azərbaycan öz müstəqilliyini həmin tarixdə elan edilməsi, həmdə şərqdə və bütün müsəlman dünyasında ilk demokratik, hüquqi və dünyəvi parlament respublikasının əsasının qoyulması, xalqın siyasi şüur səviyyəsinin, intellektual və mədəni potensialının yüksək istedad və qabiliyyətinin göstəricisi idi.  Azərbaycan Xalq Cumhuriyyəti Avropanın demokratik dəyərləri ilə Şərq mədəniyyətinin xüsusiyyətlərini üzvü şəkildə birləşdirən yeni dövlət və cəmiyyət nümunəsi kimi fəaliyyət göstərirdi. Ulu Öndər Heydər Əliyevin nəzərincə, həmin dövrdə böyük işlər görmüşdür. Xüsusilə bütün müsəlman aləmində ilk dəfə Azərbaycanda üsul idarə prinsiplərinə əsaslanan dövlət, hökumət yaranmış, beləliklə də, Azərbaycanda həm müstəqilliyin əsasını qoymuşlar, həm də demokratiyanın. Bunlara görə və bütün başqa sahələrdə göstərdiyi xidmətlərə görə Azərbaycan Xalq Cumhuriyyəti qısa bir zamanda gördüyü işlər yüksək qiymətləndirilməlidir.

Ulu Öndər Heydər Əliyevin siyasətini uğurla davam etdirən Möhtərəm Prezident İlham Əliyevin dövlətçilik siyasəti bölgəmizdə eləcə də dünyada geosiyasi  maraqların toqquşduğu və dünya nizamında kəskin dəyişiklərin getdiyi mürəkkəb şəraitdə Azərbaycan dövlətinin qazandığı müvəffəqiyyətlər, ölkə prezidentinin həyata keçirdiyi məqsədyönlü daxili və xarici siyasət, sosial-iqtisadi sahələrdə qazanılan uğurlar əmin olmağa imkan verir ki, Azərbaycan Xalq Cumhuriyyəti dövründə itirdiyimiz müstəqilliyi heç zaman əldən verməyəcəyik, Azərbaycan Respublikasının müstəqilliyi əbədi olacaqdır.

 YAP Səbail rayon yerli

 təşkilatının sədri  Muxtar Nağıyev