Arda Turanın “Şaxtyor”u ilk oyunda uduzdu - Konfrans Liqası

UEFA Avropa Konfrans Liqasında yarımfinal mərhələsinin ilk oyunları keçirilib. 

“Qafqazinfo” xəbər verir ki, Arda Turanın baş məşqçisi olduğu Ukrayna təmsilçisi “Şaxtyor” Polşada İngiltərənin “Kristal Pelas” klubunu qəbul edib.

Nominal meydan sahibləri üçün oyun heç də uğurlu alınmayıb. İngilislər üstün oyun nümayiş etdirərək “Şaxtyor”u 1:3 hesabı ilə məğlub ediblər. Bu nəticə Donetsk təmsilçisinin final şanslarını xeyli çətinləşdirib.

Digər yarımfinal qarşılaşmasında isə İspaniyanın “Rayo Valyekano” klubu Fransanın “Strasburq” kollektivi ilə üz-üzə gəlib. İspanlar azarkeşləri önündə keçirilən görüşdə minimal hesablı (1:0) qələbə qazanaraq cavab oyunu öncəsi üstünlük əldə ediblər.

Qeyd edək ki, hər iki cütün cavab görüşləri mayın 7-də keçiriləcək və turnirin finalçıları müəyyənləşəcək.

UEFA Avropa Konfrans Liqası Yarımfinal, ilk oyunlar:

“Rayo Valyekano” (İspaniya) – “Strasburq” (Fransa) 1:0

“Şaxtyor” (Ukrayna) – “Kristal Pelas” (İngiltərə) 1:3