“Bavariya” 54 illik rekordunu yenilədi

Almaniya Bundesliqasında növbəti tur çərçivəsində keçirilən görüş “Bavariya” üçün əlamətdar hadisə ilə yadda qalıb.

“Qafqazinfo” xəbər verir ki, çempionatın 29-cu turunda “Sankt-Pauli” ilə qarşılaşmada (0:5) hesabı açan “Rekordmayster” cari mövsümdəki 102-ci qolunu vurub.

Bununla da komanda 1972-ci ildə əfsanəvi Gerd Müllerin dövründə müəyyənləşən 101 qolluq rekordu geridə qoyub.

Qeyd edək ki, çempionatın sonuna hələ beş tur qaldığını nəzərə alsaq, Münxen təmsilçisinin bu göstəricini daha da təkmilləşdirəcəyi gözlənilir.