İran səfiri Türkiyə XİN-ə çağırıldı

İranın Ankaradakı səfiri təcili olaraq Xarici İşlər Nazirliyinə çağırılıb.

“Qafqazinfo” xəbər verir ki, bu barədə Türkiyə Xarici İşlər Nazirliyi məlumat yayıb.

Bildirilib ki, görüş zamanı səfirdən Türkiyə ərazisinə atılan ballistik raketlə bağlı rəsmi izahat tələb olunub:

“Türkiyə tərəfi baş vermiş hadisə ilə bağlı kəskin etirazını bildirib və rəsmi Tehranın diqqətinə çatdırılıb ki, bu cür hərəkətlər regionda vəziyyəti daha da gərginləşdirir”.

Xatırladaq ki, ABŞ-nin İrana qarşı davam edən “Epik Qəzəb” hərbi əməliyyatları fonunda İran tərəfindən atılan raketin Türkiyə sərhədlərini pozması NATO müttəfiqi olan Ankara üçün ciddi təhlükəsizlik məsələsinə çevrilib.