“Zirə” səfərdə “Sumqayıt”ı məğlub etdi

Misli Premyer Liqasının XIX turu çərçivəsində keçirilən “Sumqayıt” - “Zirə” qarşılaşması bol qol ilə yadda qalıb.

“Qafqazinfo” xəbər verir ki, Mehdi Hüseynzadə adına Sumqayıt şəhər stadionunda baş tutan görüş qonaq komandanın 3:2 hesablı qələbəsi ilə başa çatıb.

Matçın startından etibarən gərgin keçən mübarizədə hesabı 24-cü dəqiqədə “Zirə”nin hücumçusu Davit Volkov açıb. Cəmi iki dəqiqə sonra, 26-cı dəqiqədə Nikola Ninkoviç bərabərlik qolunu vursa da, 36-cı dəqiqədə Qismət Alıyev penaltidən qonaqları yenidən önə keçirib.

İkinci hissənin əvvəlində, 51-ci dəqiqədə Aleksandr Ramalinqom tarazlığı bərpa etməyi bacarıb. Lakin oyunun taleyini 88-ci dəqiqədə Giorgi Papunaşvili həll edərək “qartallar”a vacib 3 xalı qazandırıb.

Bu qələbə sayəsində xallarının sayını 32-yə çatdıran “Zirə” turnir cədvəlində 3-cü pilləyə yüksəlib. “Sumqayıt” isə 30 xalla 5-ci yerdə qərarlaşıb.