“İki futbolçumun ayağı qırıla bilərdi” - Okan Buruk

“Qalatasaray”ın baş məşqçisi Okan Buruk Türkiyə Super Liqasının 15-ci turunda baş tutan “Fənərbaxça”-“Qalatasaray” (1:1)  matçından sonra keçirilən mətbuat konfrasında hakimin idarəçiliyindən narazılığını bildirib.

“Qafqazinfo”nun xəbərinə görə, o açıqlamasında hakimin oyuna çox müdaxilə etdiyini dilə gətirib.

“Əslində, oyundan əvvəl də gözlənilən bu idi. İki futbolçumun ayağı qırıla bilərdi. Kazımcanın isə gözünün çıxmaq təhlükəsi yaşandı. Bu qədər zərbə aldığımız halda, necə bu qədər az sayda cərimə qazandığımızı sizin qiymətləndirmənizə buraxıram”.